എറണാകുളത്ത് ഹര്‍ത്താല്‍ തുടങ്ങി

മുസ്‌ളീം ഏകോപനസമിതി എറണാകുളത്ത് ആഹ്വാനം ചെയ്ത ഹര്‍ത്താല്‍ തുടങ്ങി. ഇന്നലെ മതം മാറി ഹാദിയയുടെ വിവാഹം അസാധുവാക്കിയ ഉത്തരവ് റദ്ദാക്കണമെന്നും വീട്ടു തടങ്കലില്‍ നിന്നും മോചിപ്പിക്കണമെന്നും ആവശ്യപ്പെട്ടായിരുന്നു ഇന്നലെ മുസ്‌ളീം ഏകോപന സമിതി ഹൈക്കോടതിയിലേക്ക് മാര്‍ച്ച നടത്തിയത്. എന്നാല്‍ ആല്‍ബര്‍ട്‌സ് കോളേജിന് മുന്നില്‍ വെച്ച് പോലീസ് ബാരിക്കേഡ് ഉപയോഗിച്ച് മാര്‍ച്ച് തടയുകയും ജലപീരങ്കിയും ലാത്തിച്ചാര്‍ജ്ജും ഉപയോഗിക്കുകയുമായിരുന്നു. രാവിലെ ആറ് മുതല്‍ വൈകിട്ട് ആറ് വരെയാണ് ഹര്‍ത്താല്‍. കെഎസ്ആര്‍ടിസി ബസുകള്‍ സര്‍വീസ് നടത്തുന്നുണ്ട്. എന്നാല്‍ വിധി രാജ്യത്തെ വിശ്വാസത്തെയും വ്യക്തി സ്വാതന്ത്ര്യത്തെയും ഹനിക്കുന്നത് ആണെന്നും പിന്‍വലിക്കും വരെ സമരം നടത്തുമെന്നുമാണ് പ്രതിഷേധക്കാര്‍ പറയുന്നത്.