നിരോധിച്ച മൂന്ന് കോടിയുടെ നോട്ടുകളുമായി അഞ്ചംഗ സംഘം പിടിയില്‍

നിരോധിച്ച മൂന്ന് കോടിയുടെ നോട്ടുകളുമായി അഞ്ചംഗ സംഘം പെരിന്തല്‍മണ്ണയില്‍ പിടിയില്‍. 3,22,27500 രൂപയുടെ നിരോധിച്ച 500,1000 രൂപയുടെ നോട്ട് കടത്താന്‍ ഉപയോഗിച്ച ആഡംബര കാറും ബൈക്കും പ്രത്യേക അന്വേഷണ സംഘം പിടിച്ചെടുത്തു.

നാദാപുരം ചാലപ്പുറം ഒതിയാത്ത് ഷംസുദ്ദീന്‍ എന്ന ഷംസു(42), കൊളത്തൂര്‍ കുറുപ്പത്താല്‍ പൂവാലപ്പടി വീട്ടില്‍ മുഹമ്മദ് ഇര്‍ഷാദ്(22), കുറുപ്പത്താല്‍ കുന്നിന്‍പുറത്ത് വീട്ടില്‍ മുഹമ്മദ് നജീബ്(26), കോഴിക്കോട് പുതിയങ്ങാടി സ്വദേശി ചന്ദ്രാലയം വീട്ടില്‍ റിജു(37), പന്നിയങ്കരസ്വദേശി ഹാഷിം മന്‍സിലില്‍ ഹാഷിം(32) എന്നിവരാണ് പിടിയിലായത്. പിടിയിലായവരെ കോടതിയില്‍ ഹാജരാക്കി.

ഇവര്‍ക്ക് തമിഴ്‌നാട്, കര്‍ണാടക എന്നിവിടങ്ങളിലെ ലോബിയുമായുള്ള ബന്ധത്തെക്കുറിച്ചും ഹവാല ഇടപാടുകളെക്കുറിച്ചും കൂടുതല്‍ അന്വേഷണം െസെബര്‍ സെല്ലിന്റെ സഹായത്തോടെ നടത്തുമെന്ന് ജില്ലാ പോലീസ് മേധാവി ദെബേഷ്‌കുമാര്‍ ബെഹ്‌റ, എ.എസ്.പി സുജിത്ദാസ്, ഡിെവെ.എസ്.പി: എം.പി. മോഹന ചന്ദ്രന്‍ എന്നിവര്‍ അറിയിച്ചു.