പ്രത്യാഘാതങ്ങള്‍ക്ക് പരിഹാരം കാണാന്‍ രാജ്യത്തിന് കഴിയും :ഖത്തര്‍ വിദേശകാര്യമന്ത്രി

ഗള്‍ഫ് രാജ്യങ്ങളുമായുള്ള പ്രതിസന്ധിപരിഹരിക്കാന്‍ വിദേശനയം അടിയറവ് വച്ചുള്ള വിട്ടു വീഴ്ചയ്ക്ക് രാജ്യം തയ്യാറല്ലെന്ന് ഖത്തര്‍ വിദേശകാര്യമന്ത്രി ശൈഖ് മുഹമ്മദ് ബിന്‍ അബ്ദുള്‍ റഹ്മാന്‍ അല്‍താനി വ്യക്തമാക്കി. അന്താരാഷ്ട്രസമൂഹത്തിന്റെ പൂര്‍ണ പിന്തുണ ഖത്തറിനുണ്ട്. നിലവിലെ പ്രതിസന്ധിയുടെ പ്രത്യാഘാതങ്ങള്‍ക്ക് പരിഹാരം കാണാന്‍ രാജ്യത്തിന് സാധിക്കും. രാജ്യത്തെ ജനജീവിതത്തെ ഒരുതരത്തിലും ഈ പ്രശ്‌നം ബാധിക്കില്ല. അതിനാവശ്യമായ എല്ലാ നടപടികളും ഖത്തര്‍ സ്വീകരിച്ചിട്ടുണ്ട്.സമാധാനത്തിന്റെ വേദിയാണ് ഖത്തറെന്നും അദ്ദേഹം കൂട്ടിച്ചേര്‍ത്തു. അല്‍ ജസീറ ചാനലിനോടാണ് വിദേശമന്ത്രി തങ്ങളുടെ നിലപാട് വ്യക്തമാക്കിയത്.