രണ്ടു പേരുടെ മരണത്തിന് ഇടയാക്കിയ പനാമ ചരക്കുകപ്പലില്‍ ഇന്ന് പരിശോധന നടത്തും

കൊച്ചി തീരത്ത് മീന്‍പിടുത്ത ബോട്ടില്‍ ഇടിച്ച് രണ്ടു പേരുടെ മരണത്തിന് ഇടയാക്കിയ പനാമ ചരക്കുകപ്പല്‍ ഇന്ന് പരിശോധന നടത്തും. തുറമുഖ വകുപ്പിന്റെയും മര്‍ക്കന്റൈല്‍ ഡിപ്പാര്‍ട്ട്‌മെന്റിന്റെയും എട്ടംഗ സംഘമാണ് പരിശോധന നടത്തുക. കടലില്‍ കാണാതായ അസം സ്വദേശിക്കായുള്ള തെരച്ചില്‍ രാവിലെ ആറു മണിയോടെ തന്നെ നാവികസേന തുടങ്ങി.

ഞായറാഴ്ച പുലര്‍ച്ചെ രണ്ടു മണിയോടെയുണ്ടായ സംഭവത്തില്‍ രണ്ടുപേര്‍ മരിച്ചിരുന്നു. രാവിലെ എട്ടു മണിക്ക് വ്യാപകമായ തെരച്ചില്‍ നടത്തി കപ്പല്‍ തീരസംരക്ഷണ സേന കണ്ടെത്തുകയും കസ്റ്റഡിയില്‍ എടുക്കുകയും ചെയ്തിരുന്നു. ഇന്ന് പരിശോധന നടത്തുന്ന വിദഗ്ദ്ധ സംഘം കപ്പലിന്റെ വോയ്‌സ് ഡേറ്റ റെക്കോര്‍ഡര്‍, ലോഗ് ബുക്കുമാണ് പിടിച്ചെടുത്തത്. ഇത് ഡീകോഡ് ചെയ്ത് വിവരം ശേഖരിക്കും. ഇത് കപ്പലിന്റെ രേഖകളുമായി ഒത്തുനോക്കും.