നടിയെ തട്ടിക്കൊണ്ടുപോയ കേസില്‍ പ്രമുഖ നടന്റെ സാന്നിദ്ധ്യം വീണ്ടും വാര്‍ത്തയാകുന്നു…!

നടിയെ തട്ടിക്കൊണ്ടു പോയ കേസില്‍ പ്രമുഖ നടന്റെ സാന്നിദ്ധ്യം വീണ്ടും വാര്‍ത്തയാകുന്നു. കേസില്‍ മുഖ്യപ്രതി പള്‍സര്‍ സുനി നടന്റെ പങ്കുമായി ബന്ധപ്പെട്ട ചില വിവരങ്ങള്‍ പുറത്തുവിടാന്‍ ഒരുങ്ങുകയാണെന്ന് പ്രമുഖ മാധ്യമങ്ങള്‍ റിപ്പോര്‍ട്ട്‌ ചെയ്യുന്നു.

സംഭവം ക്വട്ടേഷന്‍ തന്നെയാണെന്ന സംശയത്തിലേക്കാണ് കാര്യങ്ങള്‍ പോകുന്നത്. നടി സഞ്ചരിച്ചിരുന്ന കാറിന്റെ ഡ്രൈവറായ കോരട്ടി സ്വദേശി മാര്‍ട്ടിന്‍, തിരുവല്ല സ്വദേശി പ്രദീപ് എന്നിവരുടെ ജാമ്യാപേക്ഷയിലുള്ള വാദം ഈ മാസം 17 ന് കേള്‍ക്കാനിരിക്കെ പ്രതികള്‍ കോടതിയില്‍ പുതിയ വെളിപ്പെടുത്തല്‍ നടത്തിയേക്കുമെന്നാണ് പുറത്തുവരുന്ന സൂചന. കേസില്‍ ഒരു പ്രമുഖ നടന്‍ ഉള്‍പ്പെട്ടിട്ടുണ്ടെന്നും ഗൂഡാലോചന സംബന്ധിച്ച കൂടുതല്‍ വിവരങ്ങള്‍ പുറത്തുവരുമെന്നുമാണ് മാധ്യമ റിപ്പോര്‍ട്ടുകള്‍.