ജിഷ്ണുവിന്റെ മരണം സിബിഐ അന്വേഷിക്കണമെന്ന ആവശ്യം അംഗീകരിച്ച് മുഖ്യമന്ത്രി

ജിഷ്ണു പ്രണോയിയുടെ മരണത്തില്‍ സിബിഐ അന്വേഷണം വേണമെന്ന ആവശ്യം അംഗീകരിച്ച് മുഖ്യമന്ത്രി പിണറായി വിജയന്‍. കേസില്‍ സിബിഐ അന്വേഷണം വേണമെന്നാണ് സര്‍ക്കാരിന്റെ ആഗ്രഹമെന്നും മുഖ്യമന്ത്രി പറഞ്ഞു.

മകന്റെ മരണത്തില്‍ സിബിഐ അന്വേഷണം വേണമെന്ന് ജിഷ്ണുവിന്റെ അച്ഛന്‍ അശോകന്‍ മുഖ്യമന്ത്രിയോട് ആവശ്യപ്പെട്ടിരുന്നു. നല്‍കിയ ഉറപ്പുകളൊന്നും പാലിക്കപ്പെട്ടില്ലെന്നും പരാതികള്‍ നല്‍കിയിട്ടും പരിഹാരമൊന്നും ഉണ്ടായിട്ടില്ലെന്നും കേസ് സിബിഐയ്ക്ക് വിടണമെന്നും ആവശ്യപ്പെട്ട് ജിഷ്ണുവിന്റെ അമ്മ മഹിജ കത്തയക്കാനിരിക്കെയാണ് മുഖ്യമന്ത്രിയുടെ പ്രതികരണം വന്നിരിക്കുന്നത്.