മലയാളിയുടെ വധ ശിക്ഷ ദുബായ് കോടതി റദ്ദ് ചെയ്തു

മലയാളിയുടെ വധ ശിക്ഷ ദുബായ് കോടതി റദ്ദ് ചെയ്തു. ഫിലിപ്പന്‍സ് സ്വദേശിയെ കൊലപ്പെടുത്തിയ കേസില്‍ വധശിക്ഷയ്ക്ക് വിധിക്കപ്പെട്ട ചാവക്കാട് സ്വദേശിയായ നൗഷാദിന്റെ ശിക്ഷയാണ്‌ ദുബായ് കോടതി റദ്ദ് ചെയ്തത്. കൊലപാതക കേസില്‍ കഴിഞ്ഞ മൂന്നു വര്‍ഷമായി ജയിലില്‍ കഴിയുന്ന നൗഷാദിന്റെ ശിക്ഷ പത്തു വര്‍ഷ തടവായാണ് അപ്പീല്‍ കോടതി കുറച്ചത്.

2014ല്‍ റാസല്‍ഖൈമയില്‍ വെച്ചു എലീസോ സാന്‍ഡിയാഗോ എന്ന ഫിലിപ്പിയന്‍ നൗഷാദുമായുള്ള തര്‍ക്കത്തിനിടെ കൊല്ലപ്പെട്ടു. കുറ്റം നൗഷാദ് സമ്മതിച്ചിരുന്നു. കൊല്ലണമെന്ന ഉദ്ദേശത്തിലല്ല ഏറ്റുമുട്ടിയതെന്നും പോലീസിനോട് പറഞ്ഞു. ഇരുവരും ഡ്രൈവര്‍മാരായിരുന്നു. എലീസോ നൗഷാദിനോട് പണം ആവശ്യപ്പെടുകയും കൊടുത്തില്ലെങ്കില്‍ സ്വകാര്യങ്ങള്‍ പരസ്യപ്പെടുത്തുമെന്നു ഭീഷണിപ്പെടുത്തുകയും ചെയ്തു. ഇതിനിടെ നടന്ന ഏറ്റുമുട്ടലില്‍ എലീസോ കൊല്ലപ്പെടുകയായിരുന്നു.