ആശ്രിതര്‍ക്ക് ഫീസ് : പ്രവാസി മലയാളികള്‍ കുടുംബത്തെ നാട്ടിലേക്ക് അയയ്ക്കുന്നു

സൗദിയില്‍ ആശ്രിതഫീസ് ഏര്‍പ്പെടുത്താന്‍ തീരുമാനിച്ചതിനെ തുടര്‍ന്ന് പ്രവാസികള്‍ കുടുംബാംഗങ്ങളെ നാട്ടിലേക്ക് മടക്കി അയയ്ക്കുന്നു. ജൂലൈ 1 മുതല്‍ സൗദി ഏര്‍പ്പെടുത്തുന്ന 'ആശ്രിത ഫീസ്' ആണ് ഗള്‍ഫില്‍ ജോലി ചെയ്യുന്ന മലയാളികളെ വലയ്ക്കുന്നത്. മാസം തോറും നല്‍കേണ്ടി വരുന്ന ഈ ആശ്രിതഫീസ് കനത്ത ബാദ്ധ്യതയായിരിക്കും പ്രവാസികള്‍ക്ക് നല്‍കുന്നത്.

വിദേശിയായ ഒരാള്‍ ഓരോ ആശ്രിതനും മാസം തോറും 100 റിയാല്‍ (ഏകദേശം 1,700 രൂപ) ഫീസ് നല്‍കേണ്ടി വരുമെന്നാണ് റിപ്പോര്‍ട്ട്. ഇത് വന്‍ ബാദ്ധ്യത ഉണ്ടാക്കുന്നതിനാല്‍ കൂടെയുള്ള മറ്റ് കുടുംബാംഗങ്ങളെ തിരിച്ചയയ്ക്കുക മാത്രമാണ് പ്രവാസികള്‍ക്ക് ചെയ്യാന്‍ കഴിയുന്ന ഏക പോംവഴി. മലയാളികള്‍ ഉള്‍പ്പെടെ 41 ലക്ഷം ഇന്ത്യാക്കാരാണ് സൗദിയിലുള്ളത്.