ആകെ പൊല്ലാപ്പ്,ആക്ഷന്‍ ഹീറോ പി സി ജോര്‍ജ്ജിനിട്ട് പണി കിട്ടും

ആകെ പൊല്ലാപ്പ്,ആക്ഷന്‍ ഹീറോ പി സി ജോര്‍ജ്ജിനിട്ട് പണി കിട്ടും തൊഴിലാളികള്‍ക്കു നേരേ തോക്കു ചൂണ്ടിയ കേസില്‍ പി സി ജോര്‍ജ്ജിന് പണി വരുന്നു.കോട്ടയം മുണ്ടക്കയത്ത് എസ്റ്റേറ്റ് തൊഴിലാളികളുടെ ചില പ്രശ്‌നങ്ങള്‍ തീര്‍ക്കാന്‍ പോയ പൂഞ്ഞാര്‍ എംഎല്‍എ പി സി ജോര്‍ജ്ജ് തൊഴിലാളികളുടെ പ്രകോപനത്തെ തുടര്‍ന്നാണ് അവര്‍ക്കു നേരേ ചൂണ്ടിയത്.ഈ സംഭവത്തെ തുടര്‍ന്ന് മുണ്ടക്കയം പൊലീസ് പരാതിയെ തുടര്‍ന്ന് എംഎല്‍എയ്‌ക്കെതിരെ ജാമ്യമില്ല വകുപ്പില്‍ പെടുത്തി സംഭവം കേസാക്കിയിരുന്നു.തുടര്‍ന്നാണ് ഇന്ന് സംഭവത്തില്‍ മനുഷ്യാവകാശ കമ്മീഷനില്‍ പരാതി.

തിരുവനന്തപുരം സ്വദേശി പികെ രാജുവാണ് പരാതി നല്‍കിയിരിക്കുന്നത്. പിസി ജോര്‍ജ് തൊഴിലാളികള്‍ക്ക് നേരെ തോക്ക് ചൂണ്ടി ഭീഷണിപ്പെടുത്തിയ പരാതി പോലീസിനെക്കൊണ്ട് സമഗ്ര അന്വേഷണം നടത്തണമെന്നാണ് പരാതിയിലെ ആവശ്യം. എംഎല്‍എ പദവിയിലിരിക്കുന്ന ഒരാള്‍ക്ക് സംഘര്‍ഷ സാധ്യതകളുണ്ടാകുന്ന സാഹചര്യത്തില്‍ ഏതു നിമിഷവും പോലീസ് സേനയുടെ സഹായം തേടാവുന്നതാണ്. കൂടാതെ ഗണ്‍മാന്റെ സുരക്ഷയുള്ള എംഎല്‍എ അവരുടെ ജോലി കൈയ്യിലെടുത്ത് നിയമലംഘനം നടത്തിയെന്ന് അദ്ദേഹം പറയുന്നു. കൂടാതെ തൊഴിലാളികള്‍ക്ക് മരണഭീതി ഉണ്ടാക്കി സംഘര്‍ഷാവസ്ഥ സൃഷ്ടിച്ചെന്നും പരാതിക്കാരന്‍ പറയുന്നു.

ഇതിനു പിന്നാലെ തോക്കു വീശുക മാത്രമല്ല വേണ്ടിവന്നാല്‍ വെടി ഉതിര്‍ക്കുമെന്ന് ജോര്‍ജ് വെല്ലുവിളിച്ചതായും പരാതിക്കാരന്‍ പറയുന്നു. എന്നിട്ടും എംഎല്‍എയ്‌ക്കെതിരെ കേസെടുത്തിട്ടില്ലെന്നാണ് പരാതിക്കാരന്‍ പറയുന്നത്. പിസി ജോര്‍ജിനെ മനുഷ്യാവകാശ കമ്മീഷന്‍ വിളിച്ചു വരുത്തണമെന്നും പരാതിയില്‍ ആവശ്യപ്പെട്ടിരിക്കുന്നു. മണിമലയാറിന്റെ ചെക്ക് ഡാമിനോടു ചേര്‍ന്നുള്ള റബര്‍ എസ്റ്റേറ്റിന്റെ അതിര്‍ത്തി തര്‍ക്കം പരിഹരിക്കാനെത്തിയപ്പോഴായിരുന്നു ജോര്‍ജ് തൊഴിലാളികള്‍ക്ക് നേരെ തോക്കു ചൂണ്ടിയത്.