യമനി ഭര്‍ത്താവിനെ 110 കഷണങ്ങളാക്കിയ മലയാളി നഴ്‌സിന് നാട്ടിലും ഭര്‍ത്താവും കുട്ടിയും !

യമന്‍ പൗരനായ ഭര്‍ത്താവിനെ വെട്ടിനുറുക്കി 110 കഷ്ണങ്ങളാക്കിയ പാലക്കാട് കൊല്ലങ്കോട് സ്വദേശിനിയായ നിമിഷപ്രിയക്ക് നാട്ടില്‍ വേറെ ഭര്‍ത്താവും കുഞ്ഞുമുണ്ടെന്ന് റിപ്പോര്‍ട്ട്. ഇവരുടെ മേല്‍വിലാസം അനുസരിച്ച് അന്വേഷണം നടത്തിയ പോലീസാണ് ഭര്‍ത്താവും കുട്ടിയും നാട്ടിലുണ്ടെന്ന വിവരം കണ്ടെത്തിയത്.

ഒരു വര്‍ഷം മുമ്പ് യമനില്‍ ആഭ്യന്തര കലാപം ഉണ്ടായപ്പോള്‍ ഇന്ത്യാക്കാരെല്ലാം നാടുവിട്ട കൂട്ടത്തില്‍ ഭര്‍ത്താവും കുഞ്ഞും ഇന്ത്യയിലേക്ക് മടങ്ങി. പിന്നീട്‌ യുവതി ജോലി ചെയ്തിരുന്ന ആശുപത്രിയില്‍ വെച്ച് ഇവിടുത്തെ ജോലിക്കാരനായിരുന്ന യമന്‍ പൗരനുമായി അടുക്കുകയായിരുന്നു. ഒരുമിച്ച് താമസിക്കുകയായിരുന്ന ഇവര്‍ നിയമപരമായി വിവാഹം കഴിച്ചിരുന്നില്ലെന്നും ഭാര്യാഭര്‍ത്താക്കന്മാരെ പോലെ കഴിഞ്ഞു വരികയായിരുന്നു എന്നുമാണ് വിവരം.

കൊലപാതകത്തിന് ശേഷം യുവതിക്ക് വേണ്ടി യമന്‍ പോലീസ് അന്വേഷണം ആരംഭിച്ചിട്ടുണ്ടെങ്കിലും കണ്ടെത്താനായിട്ടില്ല. പങ്കാളിയെ കൊലപ്പെടുത്താനുള്ള കാരണം എന്താണെന്ന് വ്യക്തമായിട്ടില്ല. ഒറ്റയ്ക്ക് ചെയ്തതാണോ കൃത്യം നടത്താന്‍ മറ്റാരുടെയെങ്കിലും സഹായം ഇവര്‍ക്ക് കിട്ടിയിരുന്നോ എന്നും പോലീസ് സംശയിക്കുന്നുണ്ട്.