പുന്നമടയില്‍ ഇന്ന്‌ ജലോത്സവം

65-ാംമത്‌ നെഹ്‌റു ട്രോഫി വള്ളംകളി ഇന്ന്‌ ആലപ്പുഴ പുന്നമടക്കായലില്‍ . 78 കളിവള്ളങ്ങളാണ്‌ ഇത്തവണ മത്സരത്തിനിറങ്ങുന്നത്‌. ചരിത്രത്തിലാദ്യമായാണ് ഇത്രയും വള്ളങ്ങള്‍ മത്സരങ്ങള്‍ക്ക് ഇറങ്ങുന്നത്. 24 ചുണ്ടന്‍ വള്ളവും അഞ്ച്‌ ഇരുട്ടുകുത്തി എ ഗ്രേഡ്‌ വള്ളവും 25 ഇരുട്ടുകുത്തി ബി ഗ്രേഡ്‌ വള്ളവും ഒമ്പത്‌ വെപ്പ്‌ എ ഗ്രേഡ്‌ വള്ളവും ആറ്‌ വെപ്പ്‌ ബി ഗ്രേഡ്‌ വള്ളവും മൂന്ന്‌ ചുരുളന്‍ വള്ളവും തെക്കനോടിയില്‍ മൂന്നുവീതം തറ, കെട്ടു വള്ളങ്ങളും മാറ്റുരയ്‌ക്കും. ഉച്ചകഴിഞ്ഞ്‌ രണ്ടിന്‌ മുഖ്യമന്ത്രി പിണറായി വിജയന്‍ ജലമേള ഉദ്‌ഘാടനം ചെയ്യും.