മുതിര്‍ന്ന അഭിഭാഷകന്‍ എം.കെ ദാമോദരന്‍ അന്തരിച്ചു

ഹൈക്കോടതിയിലെ മുതിര്‍ന്ന അഭിഭാഷകന്‍ എം.കെ ദാമോദരന്‍ (70) അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കഴിഞ്ഞ കുറച്ചുകാലമായി ആരോഗ്യപ്രശ്‌നങ്ങളായി ചികിത്സയിലായിരുന്നു. ശ്വാസകോശ സംബന്ധമായ അസുഖം അദ്ദേഹത്തെ അലട്ടിയിരുന്നു.

ഇ.കെ നായനാര്‍ സര്‍ക്കാരില്‍ അഡ്വക്കേറ്റ് ജനറല്‍ ആയിരുന്നു. സി.പി.എം ഔദ്യോഗിക പക്ഷവുമായി അടുത്ത ബന്ധം പുലര്‍ത്തുന്ന ദാമോദരനെ ഈ സര്‍ക്കാരിന്റെ കാലത്ത് മുഖ്യമന്ത്രിയുടെ നിയമകാര്യ ഉപദേശകനായി നിയമിക്കാന്‍ ആലോചിച്ചിരുന്നുവെങ്കിലും അദ്ദേഹം പിന്‍മാറുകയായിരുന്നു. സര്‍ക്കാരിന്റെ പലകേസുകളിലും എതിര്‍കക്ഷികള്‍ക്കു വേണ്ടി കോടതികളില്‍ ഹാജരാകുന്ന ദാമോദരന്‍ മുഖ്യമന്ത്രിയുടെ ഉപദേശകനാകുന്നതിലെ ഔചിത്യം ചോദ്യം ചെയ്യപ്പെട്ടതിനെ തുടര്‍ന്നായിരുന്നു പിന്മാറ്റം.