മക്കയിലെ ഹോട്ടലിൽ അഗ്നിബാധ: 600 തീർഥാടകരെ ഒഴിപ്പിച്ചു

ജിദ്ദ ഫഖീഹ് മസ്ജിദിനു മീപത്തെ ഹോട്ടലിൽ അഗ്നിബാധ. കെട്ടിടത്തിലെ 600 ഹാജിമാരെ സിവിൽ ഡിഫൻസ് ഒഴിപ്പിച്ചു. ഞായറാഴ്ച അർധരാത്രിയോടെയാണ് ഹോട്ടലിൽ അഗ്നിബാധയുണ്ടായത്. പതിനഞ്ചുനില ഹോട്ടലിലെ എട്ടാം നിലയിൽ പുറം ഭാഗത്ത് സ്ഥാപിച്ച എയർ കണ്ടീഷനർ യൂനിറ്റിലാണ് തീ പടർന്നുപിടിച്ചത്. തുർക്കി, യെമൻ എന്നിവിടങ്ങളിൽ നിന്നുള്ള തീർഥാടകരാണ് കെട്ടിടത്തിലുണ്ടായിരുന്നത്.

സംഭവത്തെ കുറിച്ച് രാത്രി 11.23 നാണ് സിവിൽ ഡിഫൻസ് കൺട്രോൾ റൂമിൽ വിവരം ലഭിച്ചതെന്ന് മക്ക സിവിൽ ഡിഫൻസ് വക്താവ് മേജർ നായിഫ് അൽശരീഫ് പറഞ്ഞു. കെട്ടിടത്തിലെ മുഴുവൻ തീർഥാടകരെയും ഒഴിപ്പിക്കുകയും തീയണക്കുകയും ചെയ്തു.