ആദിപമ്പ-വരട്ടാര്‍ പുനരുജ്ജീവന പദ്ധതിയുടെ ഉദ്ഘാടനം സെപ്റ്റംബര്‍ രണ്ടിന്‌

പത്തനംതിട്ട: ആദിപമ്ബ-വരട്ടാര്‍ പുനരുജ്ജീവന പദ്ധതിയുടെ ജനകീയ പ്രവര്‍ത്തനങ്ങളുടെ വിജയ പ്രഖ്യാപനവും സര്‍ക്കാര്‍തല പ്രവര്‍ത്തനോദ്ഘാടനവും സെപ്റ്റംബര്‍ രണ്ടിന് രാവിലെ 11ന് ഇരവിപേരൂര്‍ പുതുക്കുളങ്ങര ക്ഷേത്രത്തിനു സമീപം മുഖ്യമന്ത്രി പിണറായി വിജയന്‍ നിര്‍വഹിക്കും. ജലവിഭവ മന്ത്രി മാത്യു ടി.തോമസ് അധ്യക്ഷത വഹിക്കും. രാജ്യസഭാ ഉപാധ്യക്ഷന്‍ പ്രൊഫ. പി.ജെ കുര്യന്‍ മുഖ്യപ്രഭാഷണം നടത്തും. വരട്ടാര്‍ നാള്‍വഴി രേഖ പ്രകാശനം ധനമന്ത്രി ഡോ.ടി.എം തോമസ് ഐസക് നിര്‍വഹിക്കും. വൃക്ഷതൈ നടുന്ന പദ്ധതിയുടെ ഉദ്ഘാടനം വനം മന്ത്രി കെ.രാജു നിര്‍വഹിക്കും.