അറുപത്തിരണ്ടാം വയസ്സില്‍ അമ്മയായി വാര്‍ത്തകളില്‍ ഇടംപിടിച്ച ഭവാനി ടീച്ചര്‍ അന്തരിച്ചു

കൃത്രിമ ഗര്‍ഭധാരണത്തിലൂടെ അറുപത്തിരണ്ടാം വയസ്സില്‍ അമ്മയായി വാര്‍ത്തകളില്‍ ഇടംപിടിച്ച ഭവാനി ടീച്ചര്‍ (75) അന്തരിച്ചു. കല്‍പറ്റയിലെ സ്വകാര്യ ആശുപത്രിയില്‍ ആയിരുന്നു അന്ത്യം. മൂവാറ്റുപുഴ സ്വദേശിനിയാണ്. വാര്‍ദ്ധക്യത്തില്‍ ടെസ്റ്റ് ട്യൂബ് ശിശുവിന് ജന്മം നല്‍കിയ ഭവാനി ടീച്ചര്‍ മാധ്യമങ്ങളില്‍ ഏറെ ചര്‍ച്ചയായിരുന്നു. എന്നാല്‍ ഈ സന്തോഷം ഏറെനാള്‍ നീണ്ടുനിന്നില്ല. രണ്ടു വയസ്സുള്ളപ്പോള്‍ ബക്കറ്റിലെ വെള്ളത്തില്‍ വീണ് മകന്‍ കണ്ണന്‍ വേര്‍പിരിഞ്ഞു. ഇതോടെ തീര്‍ത്തും ഒറ്റപ്പെട്ടുപോയ ഭവാനിടീച്ചര്‍ അതില്‍ നിന്നും മോചനം നേടാന്‍ അധ്യാപനത്തിലേക്ക് തിരിയുകയായിരുന്നു.