ബിഡിജെഎസ് ഇടഞ്ഞു തന്നെ:കുമ്മനത്തിനൊപ്പം യാത്ര ചെയ്യില്ല

ആലപ്പുഴ: ബിഡിജെഎസ് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ നയിക്കുന്ന ജനരക്ഷാ യാത്രയില്‍നിന്ന് വിട്ടുനില്‍ക്കാന്‍ തീരുമാനിച്ചു. കേന്ദ്രമന്ത്രി അല്‍ഫോണ്‍സ് കണ്ണന്താനത്തിന് നല്‍കുന്ന സ്വീകരണ യോഗങ്ങളില്‍ നിന്ന് വിട്ടുനില്‍ക്കാനും തീരുമാനിച്ചിട്ടുണ്ട്. അതേസമയം തല്‍ക്കാലം എന്‍ഡിഎ മുന്നണിയില്‍ നിന്ന് ബിഡിജെഎസ് പുറത്തുപോകില്ല.

2019 ലെ ലോക്‌സഭാ തിരഞ്ഞെടുപ്പിന് മുമ്ബ് മുന്നണി മാറ്റം അടക്കമുള്ള വിഷയങ്ങളില്‍ നിലപാടെടുക്കാമെന്നും ബിഡിജെഎസ് തീരൂമാനമെടുത്തു. കേന്ദ്രസര്‍ക്കാരിന്റെ കീഴിലുള്ള സ്ഥാപനങ്ങളില്‍ സ്ഥാനമാനങ്ങള്‍ വേണമെന്ന് ബിഡിജെഎസ് കേന്ദ്ര-സംസ്ഥാന ബിജെപി നേതൃത്വങ്ങളോട് ആവശ്യപ്പെട്ടിരുന്നു.

എന്നാല്‍ ഇക്കാര്യത്തില്‍ ഇതുവരെ ബിജെപിതീരുമാനമെടുക്കാത്തതാണ് കടുത്ത തീരുമാനത്തിലേക്ക് പോകാന്‍ പ്രേരിപ്പിച്ചിട്ടുള്ളത്. എന്‍ഡിഎ എന്ന പരിഗണന ബിജെപി നല്‍കുന്നില്ലെന്ന് ബിഡിജെഎസിന് പരാതിയുണ്ട്. പ്രശ്‌നങ്ങള്‍ പരിഹരിക്കാന്‍ ചര്‍ച്ചകള്‍ നടത്തിയിരുന്നുവെങ്കിലും പരിഹാരം ഉണ്ടായിട്ടില്ല.