”അമ്മേ,ഞാന്‍ ഇനിയൊരിക്കലും ഭക്ഷണം കഴിക്കാതെ വാശിപിടിക്കില്ല,വീടു വൃത്തി കേടാക്കില്ല,പിണങ്ങല്ലേ അമ്മേ”മരണം കവര്‍ന്ന അമ്മയ്ക്ക് മകനെഴുതിയ കത്ത് വൈറലാകുന്നു

സൗദി :''മരണം കവര്‍ന്നെടുത്ത അമ്മയ്ക്ക് മകനയച്ച കത്ത് കണ്ണുനീരായി.അകാലത്തില്‍ ജീവന്‍പൊലിഞ്ഞ അമ്മയ്ക്ക് സൗദി ബാലന്‍ അറബിയിലെഴുതിയ കത്താണ് നിരവധി പേരുടെ കണ്ണുനനച്ചത്. സ്വന്തം കൈപ്പടയിലെഴുതിയിരിക്കുന്ന കത്തില്‍,കരഞ്ഞു നിലവിളിച്ചുകൊണ്ട് ആ കുഞ്ഞ് തന്റെ അമ്മയെ തിരികെ വിളിക്കുകയാണ്,ഇനിയൊരിക്കലും താന്‍ വാശിപിടിക്കില്ലെന്നും ,അമ്മയെ സങ്കടപ്പെടുത്തില്ലെന്നും കുഞ്ഞു മകന്‍ ആകത്തില്‍ കുറിച്ചിട്ടുണ്ട്.തുണ്ടു കടലാസില്‍ കുറിച്ചിരിക്കുന്ന ആ കത്തിന്റെ ഉടമ പക്ഷെ ആരെന്നു വ്യക്തമായിട്ടില്ല. തന്നോട് ക്ഷമിക്കണമെന്ന് കരഞ്ഞുകൊണ്ടപേക്ഷിക്കുന്ന മകന്റെ ആ കുറിപ്പ് സൗദിയിലെ ന്യൂസ് ഏജന്‍സി അല്‍ മാര്‍സാദാണ് പ്രസിദ്ധീകരിച്ചിരിക്കുന്നത്.