സര്‍ക്കാര്‍ മാധ്യമങ്ങളില്‍ ‘ദലിത്’ പദം ഉപയോഗിക്കുന്നത് നിരോധിച്ചു

തൃശൂര്‍: സര്‍ക്കാറിന്റെന ഉടമസ്ഥതയിലുള്ള അച്ചടി, ദൃശ്യമാധ്യമങ്ങളില്‍ ദലിത് എന്ന പദം ഉപയോഗിക്കരുതെന്ന് നിര്‍ദേശം. കഴിഞ്ഞ ദിവസമാണ് ഉത്തരവിറങ്ങിയത്. പട്ടികജാതി-ഗോത്രവര്‍ഗ കമീഷെന്റല നിര്‍ദേശമനുസരിച്ചാണ് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് സര്‍ക്കുലര്‍ പുറപ്പെടുവിച്ചത്. പട്ടികജാതി-വര്‍ഗ വിഭാഗങ്ങളെ എളുപ്പത്തിലുള്ള വിശേഷണ പദമായി ദലിത് എന്നാണ് ഉപയോഗിച്ചിരുന്നത്. എന്നാല്‍ ഹരിജന്‍, ദലിത് തുടങ്ങിയ പദങ്ങള്‍ പട്ടികജാതി വിഭാഗക്കാരെ അവഹേളിക്കുന്നതാണെന്നും ഈ പദങ്ങള്‍ അച്ചടി, ദൃശ്യ, ശ്രവ്യ മാധ്യമങ്ങളില്‍ ഒഴിവാക്കണമെന്നും ആവശ്യപ്പെട്ട് പട്ടികജാതി-ഗോത്ര വര്‍ഗ കമീഷന് പരാതി ലഭിച്ചു.

പരാതിയുടെ പകര്‍പ്പുള്‍പ്പെടെ ശിപാര്‍ശയോടെയാണ് പബ്ലിക് റിലേഷന്‍സ് വകുപ്പിന് കമീഷന്‍ നോട്ടീസ് നല്‍കിയത്. സര്‍ക്കുലര്‍ അനുസരിച്ച് പബ്ലിക് റിലേഷന്‍സ് വിഭാഗത്തിന്റെബ പ്രതിമാസ പ്രസിദ്ധീകരണങ്ങളായ സമകാലിക ജനപഥം, കേരള കോളിങ് എന്നിവയിലും മറ്റ് വകുപ്പ് പ്രസിദ്ധീകരണങ്ങളിലും വകുപ്പുമായി ബന്ധപ്പെട്ട ദൃശ്യ, ശ്രവ്യ പ്രചാരണോപാധികളിലും ദലിത്, ഹരിജന്‍, ഗിരിജന്‍ പദങ്ങള്‍ പൂര്‍ണമായും ഒഴിവാക്കിയാണ് പുതിയ ലക്കം തയറാവുന്നത്. സ്വകാര്യ പ്രസിദ്ധീകരണങ്ങളില്‍ ഇത്തരം നിയന്ത്രണത്തെക്കുറിച്ച് നിര്‍ദേശമില്ല.