ഗെയ്ല്‍ വാതക പൈപ്പ് ലൈന്‍ സമരം: സമരക്കാരും പൊലീസും രണ്ടു തവണ ഏറ്റുമുട്ടി;സ്ഥലത് സംഘര്‍ഷം

മുക്കം: കോഴിക്കോട് മുക്കത്ത് ഗെയില്‍ വാതക പൈപ്പ് ലൈന്‍ പദ്ധതിക്കെതിരേ സമരം നടത്തുന്നവരും പോലീസും വീണ്ടും ഏറ്റമുട്ടി. സമരക്കാരെ പിരിച്ചുവിടാന്‍ പോലീസ് കണ്ണീര്‍വാതകം പ്രയോഗിച്ചു. രാവിലെ പ്രദേശത്തുണ്ടായ സംഘര്‍ഷത്തിന്റെത തുടര്‍ച്ചയാണ് പിന്നാലെ അരങ്ങേറിയത്. സമരക്കാര്‍ മുക്കം-അരീക്കോട് റോഡ് ഉപരോധിച്ചു. ഇതിനിടെയാണ് വീണ്ടും സംഘര്‍ഷം അരങ്ങേറിയത്. സ്ഥലത്ത് വന്‍ പോലീസ് സംഘം ക്യാന്പ് ചെയ്യുന്നുണ്ട്

. ഒരു മാസത്തോളമായി നിര്‍ത്തിവച്ച ജോലികള്‍ പുനരാരംഭിക്കുന്നതിനായി ഇന്ന് രാവിലെ വന്‍ പോലീസ് സാന്നിധ്യത്തില്‍ ഗെയില്‍ അധികൃതര്‍ എത്തിയപ്പോഴാണ് സ്ഥലത്ത് സംഘര്‍ഷം ഉടലെടുത്തത്. ഗെയിലിന്റെണ വാഹനത്തിന് നേരെ സമരക്കാര്‍ക്കിടയില്‍ നിന്ന് കല്ലേറുണ്ടായതോടെയാണ് സംഭവങ്ങള്‍ക്ക് തുടക്കം. തുടര്‍ന്ന് പോലീസ് ലാത്തിവീശി സമരക്കാരെ ഓടിക്കുകയായിരുന്നു. ലാത്തി ചാര്‍ജില്‍ നിരവധി പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. ഇതിന് പിന്നാലെയാണ് പ്രദേശത്ത് വീണ്ടും സംഘര്‍ഷമുണ്ടായത്.