അമേരിക്കയില്‍ മലയാളിയായ വളര്‍ത്തച്ഛന്‍ കൊലപ്പെടുത്തിയ ദത്തുപുത്രി ഷെറിന്റെ മൃതദേഹം സംസ്‌ക്കരിച്ചു

ഡാലസ്:അമേരിക്കയില്‍ വളര്‍ത്തച്ഛന്‍ വെസ് ലി മാത്യൂസ് കൊലചെയ്ത ഷെറിന്റെ മൃതദേഹം ഡാലസില്‍ സംസ്‌ക്കരിച്ചു.സംസ്‌ക്കാര ചടങ്ങുകളില്‍ വളര്‍ത്തമ്മ സിനി മാത്യൂസ് പങ്കെടുത്തു.കുടുംബത്തിന്റെ അഭ്യര്‍ത്ഥന മാനിച്ച് മൃതദേഹം സംസ്‌ക്കരിച്ചത് എവിടെയെന്ന് അധികൃതര്‍ പുറത്തുവിട്ടിട്ടില്ല

പ്രായത്തിനനുസരിച്ച് വളര്‍ച്ചയില്ലാതിരുന്ന കുട്ടിയെ നിര്‍ബന്ധിച്ച് പാലു കുടിപ്പിച്ചതിനെ തുടര്‍ന്ന് പാലു തൊണ്ടയില്‍ കുടുങ്ങിയാണ് കുട്ടി കൊല്ലപ്പെട്ടതെന്ന് വെസ്ലിമാത്യൂസ് മൊഴി നല്‍കിയിരുന്നു.എന്നാല്‍ ആദ്യം ഇയാള്‍ കുട്ടി പാലു കുടിക്കാന്‍ വിസമ്മതിച്ചതിനെ തുടര്‍ന്ന് വീടിന്റഎ പുറത്ത് മരച്ചുവട്ടില്‍ നിര്‍ത്തിയതിനെ തുടര്‍ന്ന് കുഞ്ഞിനെ കാണാതായാതെന്നാണ് പൊലീസിനോട് പറഞ്ഞത്.എന്നാല്‍ തുടര്‍ന്ന് ദിവസങ്ങള്‍ നീണ്ടു നിന്ന അന്വേഷണങ്ങള്‍ക്കൊടുവില്‍ കുഞ്ഞിനെ കൊല്ലപ്പെട്ട നിലയില്‍ കണ്ടെത്തുകയായിരുന്നു.തുടര്‍ന്ന് ആദ്യം കസ്റ്റഡിയിലെടുത്ത ശേഷം രണ്ടു ലക്ഷം ഡോളര്‍ ജാമ്യത്തില്‍ വിട്ട വെസ്ലിയെ വീണ്ടും അറസ്റ്റു ചെയ്തു.വെസ്ലി അമേരിക്കയില്‍ പാസ്റ്ററായി പ്രവര്‍ത്തിക്കുകയായിരുന്നു.

മരിച്ച ഷെറിനെ നേരത്തേ ഉത്തര്‍പ്രദേശിലെ ഗയയില്‍ നിന്നും മലയാളി ദമ്പതികളായ വെസ്ലിയും സിനിയും ദത്തെടുത്ത് അമേരിക്കയിലേക്ക്‌കൊണ്ടുപോകുകയായിരുന്നു.ഈ കുഞ്ഞിനെ കൂടാതെ ഇവര്‍ക്ക് മറ്റൊരു കുട്ടി കൂടിയുണ്ട്.ഈ സംഭവത്തെ തുടര്‍ന്ന് അവരുടെ മൂത്തകുട്ടിയെ അമേരിക്കന്‍ നിയമപ്രകാരം ശിശുസംരക്ഷണ കേന്ദ്രത്തിലാണ്.

ഇതിനിടയില്‍ ഷെറിന്റെ മൃതദേഹം കണ്ടെത്തിയ കലുങ്ക് സ്മാരകമാക്കണമെന്ന് റിച്ചാര്‍ഡ്‌സ്‌സണ്‍ സമൂഹം ആവശ്യപ്പെട്ടു.