കാസര്‍ഗോഡ്‌ ഓടുന്ന ട്രെയിനിന്‌ നേരെ വീണ്ടും കല്ലേറ്‌

കാസര്‍ഗോഡ്‌ ഓടുന്ന ട്രെയിനിന്‌ നേരെ വീണ്ടും കല്ലേറ്‌. ശനിയാഴ്‌ച രാത്രിയാണ്‌ മഞ്ചേശ്വരം റെയില്‍വെ സ്‌റ്റേഷനടുത്ത്‌ വെച്ച്‌ ട്രെയിനിന്‌ നേരെ കല്ലേറുണ്ടായത്‌. തിരുവനന്തപുരം നേത്രാവതി എക്‌സ്‌പ്രസ്‌ ട്രെയിനിന്‌ നേരെയാണ്‌ കല്ലേറുണ്ടായത്‌. ട്രെയിന്‍ മഞ്ചേശ്വരം റെയില്‍വെ സ്‌റ്റേഷനില്‍ എത്തുന്നതിന്‌ തൊട്ടുമുമ്പാണ്‌ കല്ലുവന്നു പതിച്ചത്‌. തുറന്ന്‌ വാതിലില്‍ കൂടി കല്ല്‌ കമ്പാര്‍ട്ട്‌മെന്റിനകത്തേക്ക്‌ എത്തിയെങ്കിലും യാത്രക്കാര്‍ പരുക്കേല്‍ക്കാതെ രക്ഷപ്പെട്ടു. ഈ സമയം ട്രെയിനില്‍ സുരക്ഷാ ഉദ്യോഗസ്‌ഥരും ഉണ്ടായിരുന്നു. അവര്‍ കല്ല്‌ കസ്‌റ്റഡിയിലെടുത്തു. എന്നാല്‍ അക്രമികളെ കണ്ടെത്താന്‍ കഴിഞ്ഞില്ല. ആര്‍ക്കും പരുക്കില്ല.