കാവ്യയും മീനാക്ഷിയുമില്ല,വിദേശയാത്രയില്‍ ദിലീപിനെ അനുഗമിക്കുന്നത് സ്വന്തം അമ്മ മാത്രം

നടിക്കേസില്‍ പ്രതിയായ ദിലീപിന്റെ വിദേശയാത്രയില്‍ അദ്ദേഹത്തെ അനുഗമിക്കുന്നത് സ്വന്തം അമ്മ മാത്രം.ഭാര്യ കാവ്യയും മകള്‍ മീനാക്ഷിയും വിദേശയാത്രയില്‍ അദ്ദേഹത്തെ അനുഗമിക്കുമെന്ന് കരുതിയിരുന്നെങ്കിലും യാത്രയില്‍ അവരൊപ്പമില്ല.രാവിലെയാണ് ദിലീപ് തന്റെ ഉടമസ്ഥതയിലുള്ള റെസ്റ്റോറന്റ് 'ദേ പുട്ടിന്റെ'ഉദ്ഘാടനത്തിനായി ദുബായിലേക്ക് പോയത്.എന്നാല്‍ റെസ്‌റ്റോറിന്റെ ഉദ്ഘാടനം നിര്‍വ്വഹിക്കുന്നത് ദിലീപിന്റെ സുഹൃത്തും സംവിധായകനും ദേപുട്ടിന്റെ സഹഉടമയുമായ നാദിര്‍ഷായുടെ അമ്മയാണ്.

വിദേശയാത്രയ്ക്കായി ദിലീപിന് ആറു ദിവസത്തെ ഇളവാണ് ജാമ്യ വ്യവസ്ഥയില്‍ നല്‍കിയിരിക്കുന്നത്.നാലു ദിവസമാണ് ദിലീപ് വിദേശത്ത് തങ്ങുക.എന്നാല്‍ കേസിലെ എട്ടാം പ്രതിയായ ദിലീപിന് ജാമ്യ വ്യവസ്ഥയില്‍ ഇളവു നല്‍കുന്നതിനെ പ്രോസിക്യൂഷന്‍ ശക്തമായി എതിര്‍ത്തിരുന്നു.നടി ആക്രമിക്കപ്പെട്ട ദൃശ്യങ്ങള്‍ കണ്ടെത്താത്ത സാഹചര്യത്തില്‍ അത് വിദേശത്തേക്ക് കടത്തിയിരിക്കാമെന്നും ദിലീപിന്റെ യാത്രകള്‍ ദുരൂഹത സൃഷ്ടക്കിന്നുതാണെന്നുമായിരുന്നു പ്രോസിക്യൂഷന്‍ കോടതിയില്‍ വാദിച്ചത്.

അതേസമയം തനിക്കെതിരെ അന്വേഷണ സംഘം കോടതിയില്‍ കുറ്റപത്രം സമര്‍പ്പിക്കുന്നതിനു മുന്‍പു തന്നേ അവ മാധ്യമങ്ങള്‍ക്ക് കിട്ടിയിരുന്നതായി ദിലീപ് കോടതിയില്‍ പരാതി സമര്‍പ്പിച്ചിരുന്നു.സംഭവത്തെ കുറിച്ച് അന്വേഷിച്ച് റിപ്പോര്‍ട് സമര്‍പ്പിക്കാന്‍ മജിസ്‌ട്രേറ്റ് ഉത്തരവിട്ടു.ഒന്നാം തിയതിക്കു മുന്‍പ് റിപ്പോര്‍ട് സമര്‍പ്പിക്കണമെന്നാണ് ആവശ്യപ്പെട്ടിരിക്കുന്നത്‌