എന്റെ ചുണ്ടിലെ ചിരിയാണവള്‍,ചങ്കിലെ ചോരയാണവള്‍,പ്രിയതമയുടെ ഓര്‍മ്മ ഹൃദയത്തില്‍ കുറിച്ച് ബിജിപാല്‍

അകാലത്തില്‍ മരണമടഞ്ഞ പ്രിയതമയുടെ വിങ്ങുന്ന ഓര്‍മ്മ ഹൃദയത്തില്‍ നിന്ന് ഒഴുകിയെത്തുന്നു.സംഗീത സംവിധായകന്‍ ബിജിപാലാണ് തന്റെ പ്രിയതമയുടെ ഓര്‍മ്മ കൈയ്യില്‍ പച്ചകുത്തിയിരിക്കുന്നത്.ശാന്തിയുടെ ഓര്‍മ്മയ്ക്കായി അവരുടെ ചിത്രവും,ചിത്രത്തിനൊപ്പം ഹൃദയമിടറുന്ന വേദനകളുമാണ് പച്ചകുത്തിയിരിക്കുന്നത്.'എന്റെ ചുണ്ടിലെ ചിരി,ചങ്കിലെ ചോര'എന്നാണ് ചിത്രത്തിനു സമീപമുള്ള വാചകങ്ങളില്‍ കോറിയിട്ടിരിക്കുന്നത്

കൊച്ചി കേന്ദ്രമാക്കി പ്രവര്‍ത്തിക്കുന്ന ഇങ്ക്ഫെക്ടഡ് ടാറ്റൂ സ്റ്റുഡിയോ മീഡിയയിലൂടെയാണ് ചിത്രം പുറത്തുവിട്ടത്. കഴിഞ്ഞ ഓഗസ്റ്റ് 30നായിരുന്നു തലച്ചോറിലെ രക്തസ്രാവത്തെ തുടര്‍ന്ന് ബിജിപാലിന്റെ ഭാര്യ ശാന്തി മരിക്കുന്നതു. അറിയപ്പെടുന്ന നര്‍ത്തകയായ ശാന്തിയും ബിജിപാലും 2002 ലാണ് വിവാഹിതരായത്. തലച്ചോര്‍ സംബന്ധമായ അസുഖത്തെതുടര്‍ന്നുണ്ടായ ആന്തരിക രക്തസ്രാവത്തെ തുടര്‍ന്നായിരുന്നു ശാന്തിയുടെ പെട്ടെന്നുള്ള മരണം. ഭാര്യയുടെ മരണം ബിജിപാലിനെ വല്ലാതെ തളര്‍ത്തിയിരുന്നു.

ഇവര്‍ക്ക് രണ്ട് കുട്ടികളുമുണ്ട്. അമ്മയുടെ ഓര്‍മ്മയ്ക്കായി കുട്ടികള്‍ ചേര്‍ന്ന് പാടിയ ഗാനവും അടുത്തിടെ വൈറലായിരുന്നു.