ഗണേശ്കുമാര്‍ മന്ത്രിസ്ഥാനത്തേയ്ക്ക് ?

ശശീന്ദ്രനും തോമസ് ചാണ്ടിയ്ക്കും കസേരയില്ല കഴിഞ്ഞ കുറച്ചുകാലങ്ങളായി വിവാദങ്ങളില്‍ പുകയുന്ന എന്‍സിപിയില്‍ വാന്‍ മാറ്റങ്ങള്‍ക്ക് വഴിയൊരുങ്ങന്നതായി സൂചന.ചില പുറമേക്കാരേ കൂടെക്കൂട്ടി പുതിയ രാഷ്ട്രീയ നീക്കങ്ങളാണ് എന്‍സിപി ലക്ഷ്യമിടുന്നതെന്നാണ് എന്‍സിപി ക്യാമ്പില്‍ നിന്നുള്ള വാര്‍ത്തകള്‍.നിലവില്‍ മന്ത്രിസ്ഥാനമൊന്നുമില്ലാതെ ഇടതുപക്ഷത്ത് ചേക്കേറിയിരിക്കുന്ന കേരളാ കോണ്‍ഗ്രസ് ബാലകൃഷ്ണ പിള്ള വിഭാഗം എന്‍സിപിയിലേയ്ക്ക് ലയിക്കുന്നു എന്ന് നേരത്തേ വാര്‍ത്തകള്‍ വന്നിരുന്നു.ഇതു സംബന്ധിച്ച് ചൂടപപിടിച്ച ചര്‍ച്ചകള്‍ നടക്കുന്നതായി ചില ഓണ്‍ലൈന്‍ മാധ്യമങ്ങള്‍ റിപ്പോര്‍ട്ടും ചെയ്തിട്ടുണ്ട്.

പെണ്‍കെണി വിവാദത്തില്‍ ശശീന്ദ്രനും ഭൂമി കൈയ്യേറ്റ വിവാദത്തില്‍ തോമസ് ചാണ്ടിയും കുറ്റവിമുക്തരാകാത്ത സാഹചര്യത്തില്‍ അധികാരമില്ലാതെ എന്‍സിപി ഇടതുപക്ഷത്തു തുടരുകയാണ്.അടുത്ത മന്ത്രി സഭാ പുനസംഘടനയ്ക്കു മുന്‍പ് ഇവര്‍ കുറ്റവിമുക്തരായില്ലെങ്കില്‍ നിലവിലുള്ള എന്‍സിപി മന്ത്രിയുടെ സ്ഥാനം സിപിഎമ്മിലേക്ക് എത്തിച്ചേര്‍ന്നേക്കും.ഇതു തടയാനാണ് ബാലകൃഷ്ണപിള്ളയുമായുള്ള ലയന ചര്‍ച്ച നടക്കുന്നത്.എന്‍സിപി കേന്ദ്രനേതൃത്വവുമായും ശരദ് പവാറുമായും ബാലകൃഷ്ണപിള്ള നടത്തുന്ന ചര്‍ച്ച വിജകരമാകുകയാണെങ്കില്‍ ഗണേശ്കുമാറിനെ മന്ത്രിസ്ഥാനത്തേയ്ക്കു പരിഗണിച്ചേക്കാനാണ് സാധ്യത നിലവിലെ സാഹചര്യത്തില്‍ ഒറ്റയ്ക്കു നില്‍ക്കുന്ന പക്ഷം ഈ നിയമസഭയില്‍ ഗണേശ്കുമാറിന് മന്ത്രിസ്ഥാനം കിട്ടിയേക്കില്ല.എന്നാല്‍ ലയനം നടക്കുന്ന പക്ഷം മകന്റെ മന്ത്രി സ്ഥാനം തന്നെയാണ് ബാലകൃഷ്ണപിള്ളയുടെ ലക്ഷ്യവും.ഇതിന് സിപിഎമ്മിന് എതിര്‍പ്പില്ല താനും.

കഴിഞ്ഞ സര്‍ക്കാരിന്റെ കാലത്ത് യുഡിഎഫിന്റെഭാഗമായിരുന്ന ബാലകൃഷ്ണപിള്ളാ വിഭാഗത്തിന്റെ മന്ത്രിയായിരുന്ന ഗണേശിന് സ്ത്രീ വിഷയത്തിലായിരുന്നു മന്ത്രി സ്ഥാനം നഷ്ടമായത്.ഇതിനിടയില്‍ മാണിയും ഇടത്തേയ്ക്കു ചായാനുള്ള പണി തുടങ്ങിയെന്നാണ് വാര്‍ത്തകള്‍ പ്രചരിക്കുന്നത്.