പര്‍ദ്ദയ്ക്കുള്ളില്‍ നിന്നും പുരുഷ ശബ്ദം , പ്ലസ്ടുക്കാരന്‍ കാമുകന് കിട്ടിയത് എട്ടിന്റെ പണി

കണ്ണൂര്‍ :പര്‍ദ്ദ ധരിച്ച് കാമുകിയെ കാണാന്‍ പോയ പ്ലസ്ടുക്കാരനെ കള്ളനെന്നു തെറ്റിദ്ധരിച്ച് നാട്ടുകാര്‍ പൊലീസില്‍ ഏല്‍പിച്ചു.കഴിഞ്ഞ ദിവസം കണ്ണൂരിലെ പോഞ്ഞാശേരിയിലാണ് വിദ്യാര്‍ത്ഥിയായ കാമുകന് എട്ടിന്റെ പണി കിട്ടിയത്.കാമുകിയെ കാണാന്‍ പര്‍ദ്ധയ്ക്കുള്ളിലൊളിച്ച് പട്ടിപ്പാറക്കാരനായ പ്ലസ്ടു വിദ്യാര്‍ത്ഥി രാവിലെ പത്തരയോടെയാണ് പുറപ്പെട്ടത്.

മാതാപിതാക്കള്‍ വീട്ടില്‍ ഇല്ലെന്ന് സന്ദേശമയച്ച കാമുകിയെ കാണാന്‍ ശ്രമിച്ചതാണ് നാട്ടുകാരുടെ കൈക്ക് പണിയുണ്ടാക്കിയത്.അയല്‍ക്കാരാരും കാണാതിരിക്കാന്‍ പര്‍ദ്ദ ധരിച്ച് കൂട്ടുകാരന്റെ ബൈക്കിലാണ് വിദ്യാര്‍ത്ഥി പുറപ്പെട്ടത്.ആ സമയത്താണ് ആ വഴി പരിചയക്കാരിയായ വീട്ടമ്മ വന്നത്.യുവാവ് പര്‍ദ്ദയിട്ടിട്ടുണ്ടെന്ന വിവരം ഓര്‍മ്മിച്ചില്ല. വീട്ടമ്മയെ അഭിവാദ്യം ചെയ്തു.പര്‍ദ്ദയ്ക്കുളളിലെ പുരുഷസ്വരം കേട്ട് വീട്ടമ്മ ഞെട്ടി .വീട്ടമ്മ വിവരമറിയിച്ചതിനെ തുടര്‍ന്ന് ആളുകള്‍ ഓടിക്കൂടി.അതു വഴി ഓടി മറ്റൊരു സുഹൃത്തിന്റെ ബൈക്കില്‍ രക്ഷപെടാന്‍ ശ്രമിച്ചു.പിന്നീട് കള്ളനെന്ന് തെറ്റിദ്ധരിച്ച് നാട്ടുകാര്‍ പൊലീസില്‍ വിവരമറിയിക്കുകയായിരുന്നു.പോഞ്ഞാശേരിയില്‍ വെച്ച് ആളുകള്‍ കാമുകനെ പിടികൂടുകയായിരുന്നു.വിവരമറിയിച്ചതിനെ തുടര്‍ന്ന് എത്തിയ പൊലീസ് ഇയാളെ പൊക്കി ജീപ്പിലിട്ട് കൊണ്ടുപോയതോടെയാണ് രംഗം ശാന്തമായത്.

കുട്ടികളെ തട്ടിക്കൊണ്ടു പോകുന്ന സംഘമുണ്ടെന്ന നേരത്തേ മുതലുള്ള നാട്ടുകാരുടെ സംശയമാണ് കാര്യങ്ങള്‍ ഇത്രയും വഷളാക്കിയതെന്ന് പിന്നീട് എല്ലാവരും തിരിച്ചറിഞ്ഞെങ്കിലും കാമുകന് ശക്തമായ താക്കീതും മാതാപിതാക്കള്‍ക്ക് ഉപദേശവും നല്‍കി പൊലീസ് ഇയാളെ വിട്ടയയ്ക്കുകയായിരുന്നു