രജനീകാന്ത് കമലുമായി കൂടിക്കാഴ്ച്ചയ്ക്ക് ഒരുങ്ങുന്നു ; കൂടിക്കാഴ്ച മലേഷ്യയില്‍

രാഷ്ട്രീയ പ്രവേശനത്തിന്റെ പ്രഖ്യാപനം നടത്തിയ രജനീകാന്ത് കമലുമായി കൂടിക്കാഴ്ച്ചയ്ക്ക് ഒരുങ്ങുന്നു. മലേഷ്യയില്‍ വച്ച് നടക്കുന്ന ചടങ്ങിലാകും ഇരുവരും തമ്മില്‍ കാണുക. എന്നാല്‍, രാഷ്ട്രീയ ചര്‍ച്ചകള്‍ക്കായിരിക്കില്ല മറിച്ച നടികര്‍ സംഘത്തിന്റെ പുതിയ കെട്ടിടം നിര്‍മ്മിക്കുവാനാവശ്യമായ പണം സ്വരൂപിക്കുന്നതിനുള്ള ചടങ്ങിലേക്കാണ് രജനിയും കമലും എത്തുന്നത്.

സൂപ്പര്‍ താരങ്ങള്‍ക്ക് പുറമെ ഇരുനൂറോളം താരങ്ങളും ഇത്തരത്തില്‍ മലേഷ്യയിലേക്ക് പറക്കുന്നുണ്ട്. രജനീകാന്തും രാഷ്ട്രീയ നിലപാട് അവതരിപ്പിച്ചതോടെ കമല്‍ഹാസന്റെ നിലപാടും തുറന്ന് പറയുമോ എന്നാണ് എല്ലാവരും ഉറ്റുനോക്കുന്നത്.