ബല്‍റാമിനെ തള്ളിപ്പറഞ്ഞ മുതിര്‍ന്ന നേതാക്കള്‍ക്കെതിരെ യൂത്ത് കോണ്‍ഗ്രസ്

എ.കെ.ജിയെ ബാലപീഡകനാക്കി ചിത്രീകരിച്ച വി.ടി ബല്‍റാം എം.എല്‍.എയെ തള്ളിപ്പറഞ്ഞ കോണ്‍ഗ്രസിന്റെ മുതിര്‍ന്ന നേതാക്കള്‍ക്കെതിരെ യൂത്ത് കോണ്‍ഗ്രസ് . മുന്‍ മുഖ്യമന്ത്രി ഉമ്മന്‍ ചാണ്ടിയും കെ.പി.സി.സി പ്രസിഡന്റ് എം.എം ഹസനും തള്ളിപ്പറഞ്ഞിട്ടും ബല്‍റാമിനെ പിന്തുണച്ച് ടി. സിദ്ദിഖ് അടക്കമുള്ളവര്‍ രംഗത്ത് വന്നിട്ടുണ്ട്. ബല്‍റാമിനെ കോണ്‍ഗ്രസ് നേതൃത്വം പിന്തുണയ്ക്കണമെന്ന് സിദ്ദിഖ് ആവശ്യപ്പെട്ടു. ബല്‍റാമിനെതിരായ സി.പി.എമ്മിന്റെ അസഹിഷ്ണുതയാണെന്നും സിദ്ദിഖ് പറഞ്ഞു.

വിവാദത്തിന്റെ തുടക്കം മുതല്‍ക്കേ ബല്‍റാമിനെ പിന്തുണച്ച് യൂത്ത് കോണ്‍ഗ്രസ് നേതൃത്വം രംഗത്ത് വന്നിരുന്നു. മാപ്പ് പറയണമെങ്കില്‍ ആദ്യം കോടിയേരി ബാലകൃഷ്ണന്‍ മാപ്പ് പറയട്ടെ. വി.ടി ബല്‍റാം മാപ്പ് പറയുന്ന കാര്യം അതിന് ശേഷം തീരുമാനിക്കാമെന്നും യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഡീന്‍ കുര്യാക്കോസ് പ്രതികരിച്ചു.