മൈക്രോഫിനാന്‍സ് തട്ടിപ്പ്; വെള്ളാപ്പള്ളിയ്ക്ക് ഹൈക്കോടതിയുടെ രൂക്ഷ വിമര്‍ശനം

മൈക്രോഫിനാന്‍സ് തട്ടിപ്പ് കേസില്‍ എസ്.എന്‍.ഡി.പി യോഗം അധ്യക്ഷന്‍ വെള്ളാപ്പള്ളി നടേശനെതിരെ രൂക്ഷ വിമര്‍ശനവുമായി ഹൈക്കോടതി. അന്വേഷണത്തിന്റെ തുടക്കത്തില്‍ തന്നെ കേസ് റദ്ദാക്കുന്നത് എങ്ങനെയെന്ന് കോടതി ചോദിച്ചു. അന്വേഷണ സംഘം ആവശ്യപ്പെട്ട രേഖകള്‍ വെള്ളാപ്പള്ളി നല്‍കുന്നില്ലെങ്കില്‍ എന്തുകൊണ്ട് വിജിലന്‍സ് റെയ്ഡ് നടത്തി കണ്ടെടുത്തുകൂടാ എന്നും ഹൈക്കോടതി ചോദിച്ചു. മൈക്രോഫൈനാന്‍സ് തട്ടിപ്പുകേസില്‍ പ്രതികള്‍ക്കെതിരെ തെളിവുണ്ട്. മാനദണ്ഡങ്ങള്‍ മറികടന്നാണ് എസ്.എന്‍.ഡി.പിയെ മൈക്രോ ഫൈനാന്‍സില്‍ ഉള്‍പ്പെടുത്തിയതെന്നും വിജിലന്‍സ് ഹൈക്കോടതിയില്‍ ചൂണ്ടിക്കാട്ടി.