തലസ്ഥാനത്ത് പൊലീസും യൂത്ത് കോണ്‍ഗ്രസ് പ്രവര്‍ത്തകരും ഏറ്റുമുട്ടി ; പ്രവർത്തകരെ നേരിടാൻ പൊലീസിന്റെ കണ്ണീര്‍വാതക പ്രയോഗം

യൂത്ത് കോണ്‍ഗ്രസ് നേതാവ് ശുഹൈബിന്റെ വധം സിബിഐ അന്വേഷിക്കണമെന്നാവശ്യപ്പെട്ട് യൂത്ത് കോണ്‍ഗ്രസ് പ്രവര്‍ത്തകര്‍ സെക്രട്ടേറിയറ്റിലേക്ക് നടത്തിയ പ്രതിഷേധ പ്രകടനം അക്രമാസക്തമായി. ഒരു മണിക്കൂറോളം നേരം പ്രവര്‍ത്തകരും പൊലീസും തലസ്ഥാനത്ത് ഏറ്റുമുട്ടി.

സെക്രട്ടേറിയറ്റിന്റെ നോർത്ത് ഗേറ്റിലേക്ക് പ്രകടനമായെത്തിയ പ്രവർത്തകർ പൊലീസിന് നേരെ കല്ലെറിഞ്ഞതോടെയാണ് സംഘർഷത്തിന് തുടക്കം. കല്ലും കുപ്പികളും വലിച്ചെറിഞ്ഞ പ്രവർത്തകരെ നേരിടാൻ പൊലീസ് കണ്ണീർ വാതകവും ഗ്രനേഡും പ്രയോഗിച്ചു.