.ഇതാവണം മാതൃക;ആദ്യമായി ഭിന്നലിംഗ വിദ്യാര്‍ത്ഥി മുഖ്യധാരാ വിദ്യാര്‍ഥി രാഷ്ട്രീയത്തിലേയ്ക്ക്

തൃശ്ശൂര്‍:അവഗണനയില്‍ നിന്നും പരിഗണനയിലേയ്ക്ക്.എല്ലാക്കാലത്തും വിദ്യാര്‍ത്ഥികളുടെ അവകാശങ്ങള്‍ക്കായി പൊരുതുന്ന സ്റ്റ്യുഡന്റ്‌സ് ഫെഡറേഷന്‍ ഓഫ് ഇന്‍ഡ്യ വീണ്ടും മാതൃകയാകുന്നു. കേരള ചരിത്രത്തില്‍ ആദ്യമായി ട്രാന്‍സ്ജെന്‍ഡര്‍ വിദ്യാര്‍ഥി ഒരു മുഖ്യധാര വിദ്യാര്‍ഥി പ്രസ്ഥാനത്തിന്റെ നേതൃത്വനിരയിലേക്ക് തിരഞ്ഞെടുക്കപ്പെട്ടു. ട്രാന്‍സ്ജെന്‍ഡര്‍ വിഭാഗത്തില്‍പ്പെട്ട നന്ദനയെയാണ് തൃശൂര്‍ ജില്ലാ കമ്മിറ്റിയില്‍ ഉള്‍പ്പെടുത്തി എസ്എഫ്ഐ ചരിത്രം കുറിക്കുന്നത്. മാറ്റി നിര്‍ത്തപ്പെടേണ്ടവരല്ല, മാറ്റങ്ങള്‍ക്ക് തുടക്കം കുറിക്കേണ്ടവരാണ് ട്രാന്‍സ്ജെന്‍ഡര്‍ വിഭാഗക്കാര്‍' എന്ന് ആഹ്വാനം ചെയ്താണ് എസ്എഫ്ഐ നന്ദനയെ തിരഞ്ഞെടുത്തത്. എസ്എഫ്ഐ നാല്‍പ്പത്തിനാലാമത് ജില്ലാ സമ്മേളനത്തിലാണ് നന്ദന തൃശൂര്‍ ജില്ലാ കമ്മിറ്റി അംഗമായി തിരഞ്ഞെടുക്കപ്പെടുന്നത്. തൃശൂര്‍ ഇരിഞ്ഞാലക്കുട സ്വദേശിയാണ് നന്ദന. ട്രാന്‍സ്ജെന്‍ഡര്‍ വിഭാഗത്തില്‍ നിന്നും എസ്എഫ്ഐയുടെ ആദ്യ മെമ്ബര്‍ഷിപ്പ് നേടിയ വിദ്യാര്‍ഥിയാണ് നന്ദന. എസ്എഫ്‌ഐ കേരളാ ഫേസ്ബുക് പേജില്‍ നന്ദനയുടെ ചിത്രത്തോടൊപ്പം സന്തോഷവും പങ്കുവെച്ചിട്ടുണ്ട്‌