ബ്രോയിലര്‍ ചിക്കന്‍ വഴി നിപവൈറസ് പകര്‍ന്നേക്കുമെന്ന പ്രചരണം വൈറലായി;പൊലിസ് അന്വേഷണം ആരംഭിച്ചു

കോഴിക്കോട്:പകര്‍ച്ചപ്പനിയായ നിപ ബാധിച്ച് മരിച്ച സൂപ്പിക്കടയിലെ കുടുബത്തിനു സമീപമുള്ള കിണറ്റില്‍ നിന്നു ശേഖരിച്ച വവ്വാലുകളുടെ ശരീരത്തില്‍ നിന്ന് നിപയ്ക്കു കാരണമായേക്കാവുന്ന വൈറസ് കണ്ടെത്തിയില്ലെന്ന് പൂനെ വൈറോളജി ഇന്‍സ്റ്റിറ്റ്യൂട്ടിലെ വൈറോളജി ലാബില്‍ നിന്നും ഫലം വന്നയുടനെ ബ്രോയിലര്‍ കോഴികളില്‍ നിന്ന് നിപ പടരുമെന്ന സന്ദേശം സാമൂഹ്യമാധ്യമങ്ങളിലൂടെ വൈറലായി.എന്നാല്‍ ആരോഗ്യവകുപ്പിന്റെഭാഗത്തു നിന്ന് ഇത്തരമൊരു സന്ദേശം ലഭിക്കാതെ ഇത്തരത്തില്‍ പ്രചരിക്കപ്പെട്ട വാര്‍ത്തയേക്കുറിച്ച് പൊലീസ് അന്വേഷണം തുടങ്ങി. നിപാ വൈറസ് കോഴിക്കോട്ട് നിന്ന് പൂനെയില്‍ എത്തിച്ച ബ്രോയിലര്‍ കോഴികളില്‍ നിന്നാണെന്നും ഇതുസംബന്ധിച്ചുള്ള വിശദാംശങ്ങള്‍ നാഷണല്‍ ഇന്‍സ്റ്റിറ്റ്യൂട്ട് ഓഫ് വൈറോളജി ഡയറക്ടര്‍ ഡോ:അനന്തബാബു അറിയിച്ചുവെന്നായിരുന്നു പ്രചാരണം