രൂപ തകര്‍ന്നടിഞ്ഞു;പ്രവാസികള്‍ക്ക് ഉഗ്രന്‍ കോള്

ദുബായ്: ഡോളറുമായുള്ള വിനിമയ നിരക്കില്‍ രൂപയുടെ മൂല്യം തകര്‍ന്നടിഞ്ഞതോടെ ഗള്‍ഫ് മലയാളികള്‍ക്ക് ഉഗ്രന്‍ കോള്.രൂപയുടെ മുല്യ തകര്‍ച്ചയോടെ ഒരു യു എഇ ദിര്‍ഹത്തിന് 19 രൂപയായി മൂല്യമുയര്‍ന്നു രൂപയുടെ മൂല്യം എക്കാലത്തെയും വലിയ തകര്‍ച്ചയില്‍. ചരിത്രത്തില്‍ ആദ്യമായി ഡോളറിന് 70 രൂപയിലേക്ക് അടുക്കുന്നു. വരും ദിവസങ്ങളിലും രൂപ തകര്‍ച്ച നേരിടുമെന്നാണ് വിലയിരുത്തല്‍. നിക്ഷേപകരും ബാങ്കുകളും ഡോളര്‍ വാങ്ങിക്കൂട്ടുകയാണ്. ഡോളറുമായി താരത്യം ചെയ്യുമ്പോള്‍ രൂപയുടെ മൂല്യം 69.93 ആണ്. വെള്ളിയാഴ്ച മുതല്‍ കനത്ത ഇടിവാണ് രൂപയുടെ മൂല്യത്തിലുണ്ടാകുന്നത്. രാജ്യത്തിന് തിരിച്ചടിയാണെങ്കിലും പ്രവാസികള്‍ക്ക് ഇത് അനുകൂലമായ അവസരമാണ് ഒരുക്കിയിട്ടുള്ളത്. പ്രവാസികള്‍ അവസരം മുതലെടുത്ത് നാട്ടിലേക്ക് കൂടുതല്‍ പണമയക്കുമെന്നാണ് വിലയിരുത്തുന്നത്