പി ജെ കുര്യന്‍ ബോബ് പൊട്ടിക്കാന്‍ ഒരുങ്ങുന്നു

    രാജ്യസഭാ സീറ്റ് സമയത്ത് കലഹിച്ച പി ജെ കുര്യന്‍ലോക് സഭാ തിരഞ്ഞെടുപ്പ് സമയത്ത് അര്‍ഹമായ പരിഗണന കിട്ടിയില്ലങ്കില്‍ തലവേദനയാവും. . ഉമ്മന്‍ചാണ്ടിയുടെ കളികളുടെ വിശദാംശങ്ങള്‍ പുറത്തുവിടുമെന്ന് പി.ജെ. കുര്യന്‍ ഇപ്പോഴും അടുത്ത ആളുകളോട് പറയുന്നുണ്ട്. പത്തനംതിട്ടയില്‍ ലോക്സഭാ സീറ്റില്‍ ഒരുതവണ കൂടി മത്സരിക്കണമെന്ന് എഐസിസിയോട് പി.ജെ. കുര്യന്‍ ആവശ്യപ്പെട്ടതായാണ് വിവരം. നിലവിലെ എംപി ആന്റോ ആന്റണിക്കെതിരായ പാര്‍ട്ടിക്കുള്ളില്‍ ശക്തമായ വികാരം മുതലെടുത്താണ് കുര്യന്‍ തനിക്കു വേണ്ടി കളമൊരുക്കുന്നത്. ഇതിനായി എന്‍എസ്എസ് നേതൃത്വത്തിന്റെ പിന്തുണയും കുര്യന്‍ തേടിയിട്ടുണ്ട്. പത്തനംതിട്ടയില്‍ തോമസ് ചാണ്ടിയാകും എല്‍ഡിഎഫ് സ്ഥാനാര്‍ത്ഥി. അങ്ങനെ വന്നാല്‍ കോഗ്രസിന് ആന്റോ ആന്റണിക്കു പകരക്കാരനെ കണ്ടെത്തേണ്ടി വരുമൊണ് കെപിസിസി നേതാക്കളുടെ പക്ഷം. ഈ സഹചര്യത്തിലാണ് വീണ്ടും മത്സരിക്കാന്‍ പി.ജെ. കുര്യന്‍ തയാറെടുക്കുന്നത്. 2012ല്‍ രാജ്യസഭാ ഉപാധ്യക്ഷനായി തിരഞ്ഞെടുക്കപ്പെട്ട പി.ജെ. കുര്യന്‍ മാവേലിക്കര, ഇടുക്കി ലോക്സഭാ മണ്ഡലങ്ങളില്‍ ആറുതവണ വിജയിച്ചിട്ടുണ്ട്. 2005ല്‍ തനിക്കു സീറ്റ് നല്‍കാതിരിക്കാന്‍ ഉമ്മന്‍ചാണ്ടി ശ്രമിച്ചുവെന്ന ആരോപണമുന്നയിച്ച പി.ജെ. കുര്യന്‍ ഇത്തവണ കാര്യങ്ങള്‍ എഐസിസി മുഖേനയാണ് നീക്കുന്നത്. ഇതിന് പ്രതിപക്ഷ നേതാവ് രമേശ് ചെന്നിത്തലയുടെ പിന്തുണയുമുണ്ട്. പത്തനംതിട്ടയിലെ നിലവിലെ എംപി ആന്റോ ആന്റണിയോട് കേരളാ കോണ്‍ഗ്രസ് (എം) വിഭാഗത്തിന് അത്ര പഥ്യമല്ല. മൂന്ന് തവണ ലോക്സഭയിലേക്കു മത്സരിച്ച ആന്റോ ആന്റണി രണ്ടു തവണ വിജയിച്ചെങ്കിലും മണ്ഡലത്തില്‍ അത്ര ജനപ്രിയനല്ലൊന്നാണ് ജില്ലാ കോണ്‍ഗ്രസ് നേതൃത്വം കെപിസിസിക്കു നല്‍കിയ റിപ്പോര്‍ട്ട്. മുല്ലപ്പള്ളി രാമചന്ദ്രന്‍ കെപിസിസി അധ്യക്ഷസ്ഥാനം ഏറ്റെടുത്തയുടനെ സംസ്ഥാനത്തെ ഡിസിസി അധ്യക്ഷന്‍മാരോട് ജനപ്രതിനിധികളുടെയും പാര്‍ട്ടി മെംബര്‍മാരുടെയും പ്രവര്‍ത്തന റിപ്പോര്‍ട്ട് ആവശ്യപ്പെട്ടിരുന്നു. ആ സമയത്താണ് ജില്ലാ കോണ്‍ഗ്രസ് നേതൃത്വം ആന്റോ ആന്റണി ജനസമ്മതനല്ലെ് റിപ്പോര്‍ട്ട് നല്‍കിയത്. ശബരിമല സ്ത്രീ പ്രവേശന വിഷയം കത്തിപ്പടരുന്ന സമയത്ത് പ്രതിപക്ഷ നേതാവ് രമേശ് ചെന്നിത്തലയും കെപിസിസി വര്‍ക്കിംഗ് പ്രസിഡന്റ് കെ. സുധാകരനും ആദ്യഘട്ടത്തില്‍ സമരത്തിനിറങ്ങിയപ്പോള്‍ സ്ഥലം എംപി കൂടിയായ ആന്റോ ആന്റണി വിട്ടുനിന്നിരുന്നു . തോമസ് ചാണ്ടിയാണ് എല്‍ഡിഎഫ് സ്ഥാനാര്‍ത്ഥിയെങ്കില്‍ ആന്റോ ആന്റണിക്ക് വിജയസാധ്യത കുറവാണ്. ക്രിസ്തീയ വോട്ടുകള്‍ നിര്‍ണായകമായ മണ്ഡലത്തില്‍ തോമസ് ചാണ്ടിക്കൊപ്പം നില്‍ക്കുന്ന ആരെയെങ്കിലും നിര്‍ത്തിയാലേ മണ്ഡലം പിടിക്കാനാകൂ.