തൊഴിൽതർക്കം 20,000 പരാതികൾ

തൊഴിൽതർക്കം സംബന്ധിച്ച് പ്രതിവർഷം 15,000 മുതൽ 20,000 വരെ പരാതികൾ ലഭിക്കുന്നതായി മാൻ‌പവർ അതോറിറ്റിയിലെ തൊഴിൽതർക്ക പരിഹാരവിഭാഗം മേധാവി സുൽത്താൻ അൽ സഗ്ബി. തൊഴിൽകരാർ റദ്ദാക്കുന്നതിനുള്ള അപേക്ഷ, സേവനാനന്തര ആനുകൂല്യങ്ങളുടെ നിഷേധം, തൊഴിൽമാറ്റം എന്നിവർ സംബന്ധിച്ചുള്ള പരാതികൾ അവയിൽ ഉൾപ്പെടുമെന്ന് അദ്ദേഹം പറഞ്ഞു. തൊഴിലാളികളുടെ ശമ്പളം ഉറപ്പാക്കുന്നതിന് ശക്തമായ വ്യവസ്ഥകളാണ് തൊഴിൽ നിയമത്തിലുള്ളതെന്ന് അദ്ദേഹം പറഞ്ഞു. തൊഴിൽ സമയം ക്ലിപ്തപ്പെടുത്തിയിട്ടുമുണ്ട്. തൊഴിലാളികളുടെ അവധികൾ സംബന്ധിച്ചും വ്യക്തമായ വ്യവസ്ഥകളാണുള്ളത്. രാത്രി 10മണിക്ക് ശേഷം തൊഴിൽ ചെയ്യേണ്ടിവരുന്ന വനിതകളുടെ സുരക്ഷിതത്വം ഉറപ്പാക്കുന്നതിനുള്ള ഉത്തരവാദിത്തവും തൊഴിലുടമകൾക്കുണ്ട്.തൊഴിലാളികളുടെ സേവനാനന്തര ആനുകൂ‍ല്യം വീഴ്ചകൂടാതെ നൽകണം. അമ്മമാർക്ക് പാലൂട്ടാൻ തൊഴിലിനിടയിൽ സമയം അനുവദിക്കണമെന്നും അദ്ദേഹം പറഞ്ഞു.