ജോസോ ജോസഫോ ഇന്നറിയാം കളി

  കോട്ടയം ജില്ലയിലെ കേരള കോണ്‍ഗ്രസ് ആരെന്ന കാര്യത്തില്‍ കോണ്‍ഗ്രസിന്റെ യഥാര്‍ത്ഥ തീരുമാനം ഇന്നറിയാം. യു ഡി എഫിന്റെ പേരില്‍ രാജി വയ്ക്കണം എന്ന തിട്ടൂരം ജോസ് കെ മാണിക്ക് നല്‍കിയെങ്കിലും ഉമ്മന്‍ചാണ്ടിയുടെ മനസ് കുഞ്ഞുമാണിയുടെ മകനൊപ്പമാണ് എന്നത് അവര്‍ക്ക് കരുത്താകുന്നു. ശനിയാഴ്ച്ച യുഡിഎഫിന്റെ ആവശ്യം പരസ്യമായി തള്ളിയ ജോസ് കെ മാണിക്കെതിരെ പി ജെ ജോസഫകണറാ നിലപാട് ഇന്ന് പാലയാില്‍ പറയും.നിലപാടെടുക്കുമെന്ന് ഞായറാഴ്ച അറിയാം. പാലാ മരിയ സദനത്തില്‍ ജോസഫ് വിഭാഗം സംഘടിപ്പിക്കുന്ന പാര്‍ടി സുവര്‍ണ ജൂബിലി സമ്മേളനത്തില്‍ തീരുമാനം പ്രഖ്യാപിക്കും. ജോസഫ് വിഭാഗത്തിലെ മുഴുവന്‍ നേതാക്കളും പങ്കെടുക്കും. ജില്ലാ പഞ്ചായത്ത് പ്രസിഡന്റ് സ്ഥാനം രാജിവയ്ക്കണമെന്ന ആവശ്യം പരസ്യമായി തള്ളിയ ജോസ് യുഡിഎഫിനെ വെല്ലുവിളിച്ചെന്നാണ് ജോസഫ് വിഭാഗത്തിന്റെ നിലപാട്. പ്രസിഡന്റിനെ അവിശ്വാസത്തിലൂടെ പുറത്താക്കാനുള്ള നീക്കവുമായി ജോസഫ് മുന്നോട്ട് പോകാനാണ് സാധ്യത. ആദ്യം പിന്തുണച്ച കോണ്‍ഗ്രസ് പിന്‍വലിഞ്ഞതിനാല്‍ അങ്കലാപ്പിലായിരുന്നു ജോസഫ് വിഭാഗം. കോണ്‍ഗ്രസ് പിന്തുണയ്ക്കാതെ ജില്ലാ പഞ്ചായത്തില്‍ അവിശ്വാസം കൊണ്ടുവരാനാകില്ല. എന്നാല്‍ നിലവിലെ സാഹചര്യത്തില്‍ ജോസിനെതിരെ കോണ്‍ഗ്രസിന്റെ പിന്തുണ ആവശ്യപ്പെടാം. കോണ്‍ഗ്രസാകട്ടെ, ജോസിനെ പിണക്കാനും പിണക്കാതിരിക്കാനും പറ്റാത്ത അവസ്ഥയിലാണ്. രാജിവയ്ക്കില്ലെന്ന് ജോസ് കെ മാണി കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനം രാജിവയ്ക്കണമെന്ന യുഡിഎഫ് കണ്‍വീനര്‍ ബെന്നി ബഹ്നാന്റെ ആവശ്യം തള്ളി ജോസ് കെ മാണി. കെ എം മാണിയുടെ സാന്നിധ്യത്തില്‍ ഉണ്ടാക്കിയ കരാര്‍ മാറ്റില്ലെന്ന് ജോസ് കെ മാണി പറഞ്ഞു. തെരഞ്ഞെടുപ്പ് പോലുള്ള നിര്‍ണായക ഘട്ടങ്ങളില്‍ യുഡിഎഫില്‍ കലഹം സൃഷ്ടിക്കുന്നത് പി ജെ ജോസഫിന്റെ സ്ഥിരം പരിപാടിയാണ്. പാലായിലെ യുഡിഎഫ് സ്ഥാനാര്‍ഥിയെ തള്ളണമെന്ന് പറഞ്ഞു. ചിഹ്നവും നിഷേധിച്ചു. പ്രശ്നങ്ങള്‍ ചര്‍ച്ചചെയ്ത് പരിഹരിക്കണമെന്ന് തന്നെയാണ് തങ്ങളുടെ ആഗ്രഹമെന്നും ജോസ് കെ മാണി ് പറഞ്ഞു.മുന്‍ ധാരണപ്രകാരം ജോസ് വിഭാഗം ജില്ലാപഞ്ചായത്ത് പ്രസിഡന്റ് സ്ഥാനം രാജിവയ്ക്കണം. അതിനുശേഷമാകാം മറ്റ് ചര്‍ച്ചകളെന്നുമാണ് യുഡിഎഫ് കണ്‍വീനര്‍ കഴിഞ്ഞദിവസം നല്‍കിയ കത്തില്‍ പറയുന്നത്. എട്ടുമാസം ജോസ് വിഭാഗത്തിനും ആറുമാസം ജോസഫ് വിഭാഗത്തിനുമെന്നാണ് ധാരണ. ഇത് പാലിക്കാന്‍ ജോസ് ബാധ്യസ്ഥനാണെന്നും കത്തില്‍ പറഞ്ഞു. എന്നാല്‍ ഇങ്ങനെയൊരു കരാര്‍ ഇല്ലെന്നും മാണിയുമായുണ്ടാക്കിയ കരാര്‍ മാത്രമെ അംഗീകരിക്കൂവെന്നുമാണ് ജോസ് പക്ഷത്തിന്റെ നിലപാട്.