ഫർലോയിക്ക് ശേഷം പിരിച്ചുവിടൽ പാടില്ല

ലണ്ടന്‍ : സെപ്റ്റംബര്‍ മാസത്തില്‍ ഫര്‍ലോ അവസാനിച്ചതിന് ശേഷം ജോലിക്കാരെ പിരിച്ചു വിടാൻ പാടില്ല എന്ന് ബ്രിട്ടീഷ് സർക്കാർ. അങ്ങനെ സംഭവിച്ചാൽ ഫര്‍ലോ പണം കമ്പനികളില്‍ നിന്നും തിരിച്ച് വാങ്ങുമെന്ന്  സര്‍ക്കാര്‍ താക്കീത് നല്‍കി. ഫര്‍ലോ അവസാനിക്കുമ്പോള്‍ തൊഴില്‍ മേഖലയില്‍ വന്‍ തോതിലുള്ള പിരിച്ചുവിടല്‍ ഉണ്ടാകുമെന്ന് സര്‍ക്കാര്‍ ആശങ്കപെടുന്നുണ്ട്. ഫര്‍ലോയുടെ 80 ശതമാനം പണവും ഇപ്പോള്‍ സര്‍ക്കാരാണ് നല്‍കുന്നത്. ഏകദേശം 90 ലക്ഷം പേരാണ് ബ്രിട്ടനിലുടനീളം ഇപ്പോള്‍ ഫര്‍ലോയില്‍ ഉള്ളത്. നേരത്തെ ബ്രിട്ടീഷ് എയര്‍വെയ്സ് ഫര്‍ലോയിലുള്ള തങ്ങളുടെ ആയിരക്കണക്കിന് ജോലിക്കാരെ പിരിച്ച് വിട്ടത്  വ്യാപകമായ  വിമര്‍ശനത്തിനിടയാക്കിയിരുന്നു. ഫര്‍ലോ വ്യവസ്ഥകള്‍ സംബന്ധമായി HMRC കമ്പനികള്‍ക്കും തൊഴിലാളികള്‍ക്കും കൂടുതല്‍ വിവരങ്ങള്‍ ഉടന്‍ തന്നെ നല്‍കും.ടോറി എം പി ഹു മെറിമാന്‍ ട്രഷറിയോട് ഫര്‍ലോ സംബന്ധമായ കൂടുതല്‍ വിവരങ്ങള്‍ ആവശ്യപ്പെട്ടു കത്തയച്ചു.