പ്രിൻസ് വില്യമും ഹാരിയും ഡയാന മെമ്മോറിയൽ ഫണ്ടിൽ നിന്ന് ചാരിറ്റിപ്രവർത്തനങ്ങൾക്കായി പണം വിഭജിക്കാൻ തീരുമാനം

പ്രിൻസ് വില്യമും ഹാരിയും അമ്മ ഡയാന രാജകുമാരിയുടെ പേരിൽ ഉള്ള പ്രിൻസസ് ഡയാന മെമ്മോറിയൽ ഫണ്ടിൽ നിന്ന് സ്വന്തം ചാരിറ്റിപ്രവർത്തനങ്ങൾക്കായി പണം വിഭജിക്കാൻ തീരുമാനം ആയതായി മാധ്യമങ്ങൾ റിപ്പോർട്ട് ചെയുന്നു . മാർച്ചിൽ ഹാരി രാജകീയ ജീവിതം ഉപേക്ഷിച്ച് ഭാര്യ മേഗനുമൊത്ത് ലോസ്‌ആഞ്ചൽസ് ലേക്ക് താമസം മാറിയതു മുതൽ സഹോദരങ്ങൾ തമ്മിലുള്ള അകൽച്ച കൂടുതൽ ശക്തമാകുന്നു എന്നതിന്റെ സൂചന ആണ് ഈ നീക്കം. വെയിൽസ് രാജകുമാരിയായ ഡയാനയുടെ പേരിലുള്ള ചാരിറ്റി ഫണ്ട് സംരക്ഷിക്കുന്നതിനായി റോയൽഫൌണ്ടേഷൻ ചാരിറ്റി 2013 ൽ ഇതിന്റെ നിയമപരമായ നിയന്ത്രണം ഏറ്റെടുത്തു. ഫണ്ട് ഇപ്പോൾ സജീവമായി ധനം കണ്ടെത്തുന്നില്ല , പക്ഷേ ഇടയ്ക്കിടെ സംഭാവനകൾ ലഭിക്കുന്നു,ആ പണത്തിന്റെ ഭൂരിഭാഗവും യഥാർത്ഥത്തിൽ വില്യവും ഹാരിയും തിരഞ്ഞെടുക്കുന്ന പ്രവർത്തനങ്ങൾക്ക് വിനയോഗിക്കുക ആയിരുന്നു പതിവ് .