തലയെണ്ണാന്‍ രാജസ്ഥാനില്‍ വിപ്പ് നല്‍കി

രാജസ്ഥാനിലെ രാഷ്ട്രീയ പ്രതിസന്ധിക്കിടയില്‍, സംസ്ഥാനത്തെ എല്ലാ നിയമസഭാംഗങ്ങള്‍ക്കും കോണ്‍ഗ്രസ് വിപ്പ് നല്‍കി, ഇന്ന് ജയ്പൂരില്‍ നടക്കുന്ന കോണ്‍ഗ്രസ് ലെജിസ്ലേറ്റീവ് പാര്‍ട്ടി (സിഎല്‍പി) യോഗത്തില്‍ അവര്‍ പങ്കെടുക്കണമെന്നത് നിര്‍ബന്ധമാക്കി. 30 എംഎല്‍എമാരുടെ പിന്തുണ അവകാശപ്പെടുന്ന രാജസ്ഥാന്‍ കോണ്‍ഗ്രസ് മേധാവിയും ഉപമുഖ്യമന്ത്രിയുമായ സച്ചിന്‍ പൈലറ്റ് യോഗത്തില്‍ പങ്കെടുക്കില്ലന്നാണ് അറിവ്. അതേസമയം, അശോക് ഗെലോട്ട് സര്‍ക്കാരിനെ പിന്തുണച്ച് 109 എംഎല്‍എമാര്‍ കത്തുകളില്‍ ഒപ്പിട്ടതായി കോണ്‍ഗ്രസ് ജനറല്‍ സെക്രട്ടറിയും രാജസ്ഥാന്‍ ചുമതലയുള്ള അവിനാശ് പാണ്ഡെ ഞായറാഴ്ച രാത്രി മാധ്യമങ്ങളെ അറിയിച്ചിട്ടുണ്ട്. അതിന്റെ ശക്തി പ്രകടനമാവും ഇന്നത്തെ യോഗം. ഗെഹ്ലോട്ടും പൈലറ്റും തമ്മിലുള്ള ഏറ്റുമുട്ടലിലെ ഏറ്റവും പുതിയ നീക്കങ്ങള്‍് കോണ്‍ഗ്രസ് നേതൃത്വത്തെ ആശങ്കപ്പെടുത്തിയിട്ടുണ്ട്, ചില കോണ്‍ഗ്രസ് നേതാക്കള്‍ മൂന്ന് മാസം മുമ്പ് മുഖ്യമന്ത്രി കമല്‍ നാഥിന്റെ സര്‍ക്കാരിന്റെ തകര്‍ച്ചയിലേക്ക് നയിച്ച ജ്യോതിരാദിത്യ സിന്ധ്യയുടെ നീക്കം പോലെ ആകുമോ എന്ന ആശങ്ക പങ്കുവച്ചിട്ടുണ്ട്. താന്‍ ബിജെപിയില്‍ ചേരുകയാണോ എന്ന് ചോദിച്ചത്തിന് പൈലറ്റ് ''ഞാന്‍ ബിജെപിയില്‍ ചേരുന്നില്ല എന്ന് മറുപടി നല്‍കിയെങ്കിലും മറുവിഭാഗം അത് വിശ്വസനീയമല്ലന്നാണ് മറുവിഭാഗം പ്രചരിപ്പിക്കുന്നത്.