അറ്റാഷയുടെ ഗണ്‍മാന്‍ കസ്റ്റഡിയില്‍

  സ്വര്‍ണക്കടത്ത് കേസിന്റെ അന്വേഷണം പുരോഗമിക്കുന്നതിനിടെ, യുഎഇ കോണ്‍സലേറ്റ് ഗണ്‍മാന്‍ എസ് ആര്‍ ജയഘോഷിനെ കാണാനില്ല. ജയഘോഷിനെ കാണാനില്ല എന്ന് കാണിച്ച് ബന്ധുക്കള്‍ തുമ്പ പൊലീസ് സ്റ്റേഷനില്‍ പരാതി നല്‍കി. ഇദ്ദേഹത്തെ അന്വേഷണ ഏജന്‍സികള്‍ ആരെങ്കിലും കസ്റ്റഡിയില്‍ എടുത്തോ സംശയവും ബന്ധുക്കള്‍ പൊലീസിനോടകം പങ്കുവച്ചിട്ടുണ്ട്. ഇന്നലെ ഇദേഹത്തില്‍ നിന്ന് ഗണ്‍മാന് അനുവദിച്ചിരുന്ന തോക്കടക്കം പൊലീസ് തിരികെ വാങ്ങിയിരുന്നു. കോണ്‍സുലേറ്റിനെ ഗണ്‍മാനായി നിയമിക്കപ്പെട്ട ജയസ്സാഷ് കുറച്ചുമാസങ്ങളായി അറ്റാഷയുടെ സുരക്ഷാ ചുമതലൂടി വഹിച്ചിരുന്നു. അറ്റാഷ മടങ്ങിയതിനുശേഷം ഗണ്‍മാന്‍ റിപ്പോര്‍ട്ട് ചെയ്തില്ല എന്നു മനസിലാക്കിയ പൊലീസ് വീട്ടിലെത്തിയാണ് ഔദോഗിക കാര്യങ്ങള്‍ പൂര്‍ത്തീകരിച്ചത്. ആ സമയം ഇദേഹം വലി െടെന്‍ഷനിലാണ് എന്ന് ഭാര്യ അടക്കമുള്ളവര്‍ പറഞ്ഞതിനെ പൊലീസ് തന്നെ ഈ കുടുബത്തെ തുമ്പയിലെ ഭാര്യ വസതിയിലേക്ക് മാറ്റിയിരുന്നു. അതിനുശേഷം പുറത്തുപോയ ജയഘോഷ് തിരികെ വന്നില്ല എന്നാണ് പരാതി. സ്വപ്ന സുരേഷിന്റെ ഫോണ്‍ കോള്‍ ലിസ്റ്റില്‍ ജയഘോഷിന്റെ നമ്പറുമുണ്ട്. ജൂലൈ 3,4,5 തീയതികളില്‍ ജയഘോഷിനെ സ്വപ്ന പലതവണ വിളിച്ചിരുന്നു. ജൂലൈ അഞ്ചിനാണ് തിരുവനന്തപുരത്തെ യുഎഇ കോണ്‍സുലേറ്റിലേക്ക് വന്ന 30 കിലോ സ്വര്‍ണം കസ്റ്റംസ് പിടിച്ചെടുത്തത്. സ്വര്‍ണക്കടത്തു കേസില്‍ അന്വേഷണം പുരോഗമിക്കുന്നതിനിടെ തിരുവനന്തപുരം യുഎഇ കോണ്‍സുലേറ്റിലെ അറ്റാഷെ റാഷിദ് ഖാമിസ് അല്‍ അഷ്മിയ ഇന്ത്യ വിട്ടു. ഞായറാഴ്ച ഡല്‍ഹിയിലേക്കു പോയ അറ്റാഷെ രണ്ടു ദിവസം മുമ്പ് രാജ്യം വിട്ടതായാണ് വിവരം. യുഎഇ കോണ്‍സുലേറ്റ് വഴിയുള്ള കള്ളക്കടത്ത് അന്വേഷണം നിര്‍ണായക ഘട്ടത്തിലേക്കു നീങ്ങുന്നതിനിടെയാണ് അറ്റാഷെയുടെ മടക്കം. ഇദ്ദേഹത്തെ യുഎഇ തിരികെ വിളിച്ചതാണോയെന്ന കാര്യം വ്യക്തമല്ല. വിദേശകാര്യമന്ത്രാലയത്തെ അറിയിച്ചു എന്ന സൂചന മന്ത്രാലയം നല്‍കുന്നുണ്ട്. കോണ്‍സുലേറ്റ് ജനറലിന്റെ ചുമതല വഹിച്ചിരുന്ന അറ്റാഷെയുടെ പേരില്‍ വന്ന പാഴ്‌സലില്‍നിന്നാണ് 30 കിലോ സ്വര്‍ണം പിടിച്ചത്. മുമ്പും സമാനമായ രീതിയില്‍ സ്വര്‍ണം കടത്തിയിരുന്നതായാണ് റിപ്പോര്‍ട്ടുകള്‍. കേസില്‍ പിടിയിലായ പ്രതികള്‍ അറ്റാഷെ അടക്കമുള്ള കോണ്‍സുലേറ്റ് ഉദ്യോഗസ്ഥര്‍ക്കെതിരെ മൊഴി നല്‍കിയിട്ടുണ്ടെന്ന റിപ്പോര്‍ട്ടുകള്‍ പുറത്തുവരുന്നതിനിടെയാണ് റാഷിദ് ഖാമിസ് അല്‍ അഷ്മിയ രാജ്യം വിട്ടത്.