കോഴിക്കോട് കേന്ദ്രം , എന്‍ ഐ എ പിടി മുറുക്കുന്നു

 

നയതന്ത്ര പാഴ്‌സലിലൂടെ കടത്തിയ സ്വര്‍ണം മുന്‍പു പല തവണയായി കോഴിക്കോടുള്ള ജ്വല്ലറികളിലെത്തിയതായി ് കണ്ടെത്തി. അറസ്റ്റിലായ കോഴിക്കോട് എരഞ്ഞിക്കല്‍ നെടിയാറമ്പത്ത് റസിയ മന്‍സിലില്‍ ടി.എം. സംജു വഴിയാണു സ്വര്‍ണമെത്തിച്ചിരുന്നത്. കസ്റ്റംസ് കണ്ടത്തിയ വിവരങ്ങള്‍ എന്‍ ഐ എ പരിശോധിക്കുന്നുണ്ട് കോഴിക്കോട് കേന്ദ്രീകരിച്ച് പ്രവര്‍ത്തിക്കുന്ന പല സംഘടനകളും എന്‍ ഐ എ യുടെ നിരീക്ഷണത്തിലാണ്. മാവോയിസ്റ്റ് കേസില്‍ സംശയിക്കപ്പെട്ടവരുടെ അടക്കം ബന്ധങ്ങള്‍ നതിലും അന്വേഷണ സംഘത്തിന്റെ പരിശോധനയിലുണ്ട്. കേരളത്തില്‍ കഴിഞ്ഞമൂന്നുമാസമായി സ്വര്‍ണത്തിന് വില്‍പന ഇല്ലാതിരുന്നിട്ടും ഇത്രയും സ്വര്‍ണത്തിനായി പണം മുടക്കിയവരെ കണ്ടത്തുകയാണ് ലക്ഷ്യം. കള്ളപ്പണത്തിന്റെ സാന്നിധ്യമുണ്ടെങ്കില്‍ എന്‍ഫോഴ്‌മെന്റും അന്വേഷണത്തില്‍ പങ്കാളിയാകും. പലവട്ടം സ്വര്‍ണവുമായി സംജുവിന്റെ വീട്ടില്‍ പോയതായി കഴിഞ്ഞദിവസം കസ്റ്റംസിന്റെ പിടിയിലായ മലപ്പുറം ഐക്കരപ്പടി സ്വദേശി മുഹമ്മദ് ഷാഫി മൊഴി നല്‍കിയിട്ടുണ്ട്. തുടര്‍ന്നു 15നു കസ്റ്റഡിയിലെടുത്ത സംജുവിന്റെ അറസ്റ്റ് കസ്റ്റംസ് ഇന്നലെ രേഖപ്പെടുത്തി. ഇയാളുടെ വീട്ടിലെ സിസിടിവി ദൃശ്യങ്ങളും ശേഖരിച്ചു. സംജുവിനു കോഴിക്കോട്ട് കണ്‍വന്‍ഷന്‍ സെന്ററില്‍ പങ്കാളിത്തവും പലയിടത്തായി കെട്ടിടങ്ങളും പെയിന്റ് വ്യാപാരകേന്ദ്രവുമുണ്ട്. ദമാമില്‍ ഹോട്ടലും ദുബായില്‍ മൊബൈല്‍ കടയുമുണ്ട്. നഗരത്തില്‍ ജ്വല്ലറി ഉടമയായ ഭാര്യാപിതാവ് മുന്‍പു പല തവണ സ്വര്‍ണക്കടത്തിന് അറസ്റ്റിലായിട്ടുണ്ട്. കോഴിക്കോട് വിമാനത്താവളത്തില്‍നിന്ന് 6 കിലോഗ്രാം സ്വര്‍ണം പിടിച്ച കേസില്‍ ഈ വര്‍ഷം മാര്‍ച്ചില്‍ അറസ്റ്റിലായ ശേഷം ഈയിടെയാണു ജാമ്യത്തിലിറങ്ങിയത്. ഭാര്യാപിതാവിന്റെ ജ്വല്ലറി കള്ളക്കടത്തിനുള്ള മറയായിരുന്നുവെന്നാണു കസ്റ്റംസിന്റെ വിലയിരുത്തല്‍. സംജുവിന്റെ സഹോദരന്‍ രണ്ടു വര്‍ഷം മുന്‍പ് രാമനാട്ടുകരയില്‍ കിലോഗ്രാം സ്വര്‍ണവുമായി കസ്റ്റംസിന്റെ പിടിയിലായിരുന്നു. റമീസും അംജദ് അലിയും ചര്‍ച്ച നടത്തിയെന്ന് മൊഴി പാലക്കാട് ന്മ സ്വര്‍ണക്കടത്തു കേസില്‍ പിടിയിലായ കെ.ടി. റമീസും അംജദ് അലിയും തിരുവനന്തപുരത്ത് സെക്രട്ടേറിയറ്റിനടുത്തുള്ള വിവാദ ഫ്‌ലാറ്റില്‍ ചര്‍ച്ച നടത്തിയിരുന്നതായി വെളിപ്പെടുത്തല്‍. പാലക്കാട്ട് അംജദ് മാനേജിങ് പാര്‍ട്ണറായി തുടങ്ങിയ അവോറ വെഞ്ച്വേഴ്‌സ് എന്ന ഇന്റീരിയര്‍ ഡിസൈന്‍ സ്ഥാപനത്തിലെ മൂന്നു ഡയറക്ടര്‍മാരിലൊരാളുടെ മൊഴി ഇങ്ങനെ: ''ആന്ധ്രയില്‍ 50 കോടിയുടെ കരാറിന്റെ കാര്യം സംസാരിക്കാന്‍ തിരുവനന്തപുരത്തു പോകുന്നുവെന്നു പറഞ്ഞിരുന്നു. കരാര്‍ മുഹമ്മദ് ഷാഫി (കഴിഞ്ഞദിവസം അറസ്റ്റിലായവരിലൊരാള്‍) വഴിയാണു വന്നതെന്നും തിരുവനന്തപുരത്തു ചെന്നാണു റമീസുമായി ഫ്‌ലാറ്റില്‍ കൂടിക്കാഴ്ച നടത്തിയതെന്നും പറഞ്ഞിരുന്നു.'' അംജദ് അലി ഉപയോഗിച്ചിരുന്ന ബെന്‍സ് കാര്‍ കസ്റ്റംസ് കസ്റ്റഡിയിലെടുത്തു. സ്വര്‍ണം കടത്താന്‍ ഈ കാര്‍ ഉപയോഗിച്ചിരുന്നുവെന്നാണ് അന്വേഷണ സംഘത്തിന്റെ വിലയിരുത്തല്‍. സ്ഥാപനത്തിന്റെ പേരിലാണു കാര്‍.