തെളിയണം എയര്‍പോര്‍ട്ട് ബന്ധങ്ങള്‍

സ്വര്‍ണക്കടത്തുമായി ബന്ധപ്പെട്ട് ചില കോണ്‍സുലേറ്റ് എയര്‍ പോര്‍ട്ട് ഉദ്യോഗസ്ഥര്‍ക്ക് പ്രതികളുമായുള്ള നിരന്തരബന്ധം സംശയാസ്പദമാണ്. അതിന്റെ പിന്നാംപുറം തേടുകയാണ് അന്വേഷണ സംഘം . വലിയ ശൃംഖലയിലെ ചെറിയ കണ്ണികള്‍ മാത്രമാണ് ഇപ്പോള്‍ പിടിയിലായിട്ടുള്ളത്. അന്തര്‍ദേശീയതലത്തില്‍ത്തന്നെ സ്വര്‍ണക്കടത്തും തീവ്രവാദവുമായുള്ള ബന്ധമടക്കം അന്വേഷിച്ച് കണ്ടെത്തേണ്ടതുണ്ട്. ഇതിന് കോണ്‍സുലേറ്റുമായി ബന്ധപ്പെട്ട് അന്വേഷണം ത്വരിതപ്പെടുത്തണം. തിരുവനന്തപുരത്തുമാത്രമാണോ ഇത്തരം ലഗേജുകള്‍ വരാന്‍ സാധ്യതയുള്ള ദക്ഷിണേന്ത്യയിലെ മറ്റ് ഏയര്‍ പോര്‍ട്ടുകളിലും ബാഗജുകള്‍ എത്തിയരുന്നോ എന്ന കാര്യവും പരിശോധിക്കുന്നുണ്ട്. സര്‍ണക്കടത്തിന്റെ ഉള്ളറകള്‍ പുറത്തുവരണമെന്ന ചിന്ത യുഡിഎഫും ബിജെപിയും പ്രകടിപ്പിക്കാത്തതിനുപിന്നില്‍ വ്യക്തമായ ലക്ഷ്യങ്ങളുണ്ട്ന്ന് ഇടതു മുന്നണി ആരോപിക്കുന്നുണ്ട്. അന്വേഷണം ശരിയായ വഴിയില്‍ നടക്കുന്നതിനെ ഇവര്‍ ഭയക്കുന്നത് എന്തിനാണ് എന്നാണ് അവര്‍ ഉയത്തുന്ന ചോദ്യം. 2014 മുതല്‍ ഈ ഓഫീസിനുവേണ്ടി ശ്രമം നടത്തുകയും അതിന്റെ നിയമനങ്ങളിലെല്ലാം ഇടപെടുകയും ചെയ്തിരുന്നത് അന്നത്തെ സര്‍ക്കാരാണ് ഇക്കാര്യം മറച്ചുവെച്ചുകൊണ്ടാണ് ഇപ്പോള്‍ യു ഡി എഫ് പ്രചരണം. നയതന്ത്ര പരിരക്ഷയുള്ള ബാഗില്‍ സ്വര്‍ണം കടത്തിയ സംഭവത്തിന് അന്തരാഷ്ട്രമാനമാണുള്ളത്. ഈ 'സുരക്ഷിത' മാര്‍ഗം ഉപയോഗിക്കാന്‍ തുടങ്ങിയിട്ട് മൂന്നുവര്‍ഷത്തിലേറെയായി എന്നുപറയുന്നുണ്ട്. നയതന്ത്ര വഴികളിലെ പഴുതുകളാണോ അതോ ചുമതലപ്പെട്ടവരുടെ പങ്കാളിത്തമാണോ സ്വര്‍ണക്കടത്ത് നിര്‍ബാധം തുടരാന്‍ ഇടയാക്കിയതെന്ന് കണ്ടെത്തണം. ദുബായില്‍നിന്ന് നയതന്ത്ര ചാനല്‍വഴി സ്വര്‍ണം അയച്ച ആള്‍ പിടിയിലായെങ്കിലും വിമാനത്താവളവും യുഎഇ കോണ്‍സുലേറ്റുമായി ബന്ധപ്പെട്ട് വ്യക്തത വരേണ്ട ഒട്ടേറെ കാര്യങ്ങളുണ്ട്. വിമാനക്കമ്പനി, വിമാനത്താവള ഉദ്യോഗസ്ഥര്‍ എന്നിവരെല്ലാം അന്വേഷണപരിധിയില്‍ വരണം. സ്വര്‍ണക്കടത്തുമായി ബന്ധപ്പെട്ടു നടക്കുന്ന ഹവാല, ബിനാമി ഇടപാടുകള്‍ പ്രധാന വിഷയമാകണം.