സൗദി രാജ്യാന്തര വിമാന സർവീസുകൾ

സൗദിയിൽ രാജ്യാന്തര വിമാന സർവീസുകൾ പുനരാരംഭിക്കുന്നതിന് ഇതുവരെ നിശ്ചിത തിയതി പ്രഖ്യാപിച്ചിട്ടില്ലെന്ന് സൗദി വ്യോമയാന അതോറിറ്റി അറിയിച്ചു. വിദഗ്ധ സമിതിയുടെ നിരീക്ഷണ റിപ്പോർട്ടിന്റെ അടിസ്‌ഥാനത്തിൽ ഇത് പിന്നീട് തീരുമാനിക്കും. വിവരങ്ങൾ ഔദ്യോഗിക സ്രോതസ്സുകളിൽ നിന്ന് മാത്രം സ്വീകരിക്കണമെന്നും അധികൃതർ പറഞ്ഞു. കൊറോണ വൈറസ് വ്യാപന പശ്ചാത്തലത്തിൽ കഴിഞ്ഞ മാർച്ചിലാണ് രാജ്യാന്തര സർവീസുകൾ നിർത്തിവെച്ചത്. തുടർന്ന് രാജ്യം പ്രഖ്യാപിച്ച സമ്പൂർണ ലോക്ഡൗൺ ഘട്ടം ഘട്ടമായി നീക്കിയതയോടെ അഭ്യന്തര വിമാന സർവീസുകൾ പുനരാരംഭിച്ചിരുന്നു. ജൂണിൽ അഭ്യന്തര വിമാന യാത്രയിൽ 750,000 യാത്രക്കാർ സൗദി വിമാനത്താവളങ്ങളിലൂടെ സഞ്ചരിച്ചുവെന്നും വൃത്തങ്ങൾ അറിയിച്ചു.