സ്വര്‍ണകടത്ത് : ഗണ്‍മാനെ നിയോഗിച്ചത് ചെന്നിത്തലയുടെ വിശ്വസ്ഥന്‍

  മുഖ്യമന്ത്രിയുടെ ഓഫീസിനെതിരെ പ്രതിപക്ഷം പുതിയ ആയുധമായി ഉയത്തിയിരിക്കുന്ന അറ്റാഷയുടെ ഗണ്‍മാനെ നിയോഗിച്ചത് ചെന്നിത്തലയുടെ വിശ്‌സ്ഥനായ പൊലീസ് ഓഫീസര്‍. ഇയാളെ അവിടെ നിയോഗിച്ചത് സ്വര്‍ണകടത്തുകാര്‍ക്ക് വേണ്ടിയാണന്നായിരുന്നു ചെന്നിത്തലയുടെ ആരോപണം. ചെന്നിത്തല ആഭ്യന്തരര മന്ത്രിയായിരുന്നപ്പോള്‍ ഡി ജി പി പദവിില്‍ ഇരുന്ന ആളാണ് ഈ ഓഫീസര്‍. ഇദ്ദേഹം മിടുക്കനായ ഓഫീസറായിരുന്നുവെന്ന് ചെന്നിത്തല നിയമസഭയില്‍ അടക്കം പറഞ്ഞിരുന്നു. കോണ്‍ഗ്രസ് നേതാക്കളുടെ വിശ്വസ്ഥനായ ഈ ഓഫീസര്‍ പിന്നീട് ബിജെ പി ക്യാമ്പില്‍ എത്തി. 2017 ജൂണ്‍ 22 നു സംസ്ഥാന പോലീസ് മേധാവി ഒപ്പിട്ടതാണ്. ഗണ്‍മാനെ നിയമിച്ച ഉത്തരവ്. സിവില്‍ പോലീസ് ഓഫിസര്‍ ടി 4106 ജയാഘോഷിനെ യു എ ഇ കോണ്‍സുലേറ്റ് ജനറലിന്റെ പേഴ്സണല്‍ സെക്യൂരിറ്റി ഗാര്‍ഡ് ആയി നിയമിച്ചു കൊണ്ട്. ചെന്നിത്തല ആ രോ പിക്കും പോലെയാണെങ്കില്‍ എന്തിനായിരുന്നു ആ നിയമനം എന്നാണ് ഇനി കണ്ടത്തേണ്ടത്. 2016-ലെ സര്‍ക്കാര്‍ ഉത്തരവ്ജി .ഒ. (ആര്‍.ടി) നം. 3369/2016/ഹോം 08-11-2016) പ്രകാരമാണ് യു.എ.ഇ കോണ്‍സല്‍ ജനറലിന് എക്‌സ് കാറ്റഗറിയില്‍ പെഴ്‌സണല്‍ സെക്യൂരിറ്റി അനുവദിച്ചത്. യു.എ.ഇ. കോണ്‍സല്‍ ജനറലിന്റെ കത്ത് പ്രകാരം 2016 ഒക്ടോബര്‍ 21-ന് ചേര്‍ന്ന സെക്യൂരിറ്റി റിവ്യൂ കമ്മിറ്റി തീരുമാന പ്രകാരമാണ് സെക്യൂരിറ്റി നല്‍കിയത്.

* എന്താണ് സെക്യൂരിറ്റി റിവ്യൂ കമ്മിറ്റി

വിഐപികള്‍ക്കും മറ്റ് വ്യക്തികള്‍ക്കും പരിരക്ഷ നല്‍കുന്നതുമായി ബന്ധപ്പെട്ട് കേന്ദ്ര ആഭ്യന്തര മന്ത്രാലയം യെല്ലോ ബുക്ക് പുറത്തിറക്കും. അതിലെ വ്യവസ്ഥകളുടെ അടിസ്ഥാനത്തില്‍ സംസ്ഥാനം രൂപീകരിക്കുന്നതാണ് സെക്യൂരിറ്റി റിവ്യൂ കമ്മിറ്റി. സുരക്ഷാ ഭീഷണി നേരിടുന്നവര്‍ക്ക് സുരക്ഷ നല്‍കുന്നതിന് തീരുമാനമെടുക്കുന്ന ആ സമിതിയുടെ ചുമതല. ഈ കമ്മിറ്റിയുടെ ചെയര്‍മാന്‍ ആഭ്യന്തര വകുപ്പ് അഡീഷണല്‍ ചീഫ് സെക്രട്ടറിയാണ്. സംസ്ഥാന പോലീസ് മേധാവി, സംസ്ഥാന ഇന്റലിജന്‍സ് മേധാവി, കേന്ദ്ര ആഭ്യന്തര മന്ത്രാലയത്തിനു കീഴിലുള്ള സബ്‌സിഡിയറി ഇന്റലിജന്‍സ് ബ്യൂറോയുടെ ജോയന്റ് / ഡെപ്യൂട്ടി ഡയറക്ടര്‍, ഇന്‍സ്‌പെക്ടര്‍ ജനറല്‍ ഓഫ് പോലീസ് (സെക്യൂരിറ്റി) എന്നിവരാണ് റിവ്യൂ കമ്മിറ്റി അംഗങ്ങ . ഐജി റാങ്കിലുള്ള ഒരു ഓഫീസറാണ് സാധാരണ ഈ കമ്മിറ്റിയില്‍ കേന്ദ്രത്തിന്റെ പ്രതിനിധി.

*നീട്ടിക്കൊടുത്തത് എങ്ങനെ

യുഎഇ കോണ്‍സുലര്‍ ജനറല്‍ സുരക്ഷാ വേണമെന്ന് ആവശ്യപ്പെട്ട് അപേക്ഷനല്‍കുന്നു. അതില്‍ സ്‌പെഷ്യല്‍ ബ്രാഞ്ച് റിപ്പോര്‍ട്ട് തയാറാക്കുന്നു. 21-10-2016-നു ചേര്‍ന്ന സെക്യൂരിറ്റി റിവ്യൂ കമ്മിറ്റി അത് പരിശോധിച്ച യു.എ.ഇ കോണ്‍സുലാര്‍ ജനറലിന് എക്‌സ് കാറ്റഗറി സുരക്ഷ അനുവദിക്കുന്നു. . തുടര്‍ന്ന് 2017, 2018, 2019 വര്‍ഷങ്ങളില്‍ കൂടിയ സെക്യൂരിറ്റി റിവ്യൂ കമ്മിറ്റിതന്നെ യു.എ.ഇ കോണ്‍സുലേറ്റ് ജനറലിന്റെ സുരക്ഷാ ഭീഷണി വിലയിരുത്തി സുരക്ഷ നീട്ടി നല്‍കുന്നു. വി.ഐ.പി.കളുടെ സുരക്ഷാ ജീവനക്കാരായി നിയമിക്കുന്ന ഉദ്യോഗസ്ഥന് 5 വര്‍ഷം വരെ ആവശ്യാനുസരണം തുടരുവാനും സര്‍ക്കാര്‍ അനുമതി നല്‍കിയിട്ടുണ്ട്. കോണ്‍സുലാര്‍ ജനറലിന് മാത്രമല്ല കോണ്‍സുലാര്‍ ജനറലിന്റെ വീടിനും സുരക്ഷ നല്‍കണമെന്ന് ആവശ്യപ്പെട്ട നല്‍കിയ കത്ത് സര്‍ക്കാര്‍ പരിശോധിച്ച ശേഷം വീടിനും സ്ഥിരമായി സുരക്ഷ അനുവദിച്ച് നല്‍കിയിട്ടുണ്ട്.