യു കെ ശമ്പള വര്‍ദ്ധനയില്‍ ആരോഗ്യ മേഖലയ്ക്ക് അവഗണന

 

യുകെയിലെ പൊതുമേഖലാ ജീവനക്കാര്‍ക്കായി പ്രഖ്യാപിച്ച ശമ്പള വര്‍ധനയില്‍ നഴ്സിങ് ജീവനക്കാരെ പാടെ അവഗണിച്ചു. പല ലോക രാഷ്ട്രങ്ങളും ആതുര ശുശ്രൂഷാ രംഗത്തിനായി മാത്രം പാക്കേജ് പ്രഖ്യാപിച്ചപ്പോഴാണിത്. ഒന്‍പത് ലക്ഷത്തിലധികം വരുന്ന വിവിധ പൊതുമേഖലാ ജീവനക്കാര്‍ക്കാണ് പുതുക്കിയ വേതനം പ്രഖ്യാപിച്ചത്. , കോവിഡ് - 19 പോരാട്ടത്തില്‍ ജീവന്‍ പോലും അവഗണിച്ച്, ഓരോ ജീവനും തിരികെപ്പിടിക്കാന്‍ പോരടിച്ച നേഴ്സിംഗ് ജീവനക്കാരെ അവഗണിച്ചത് തികച്ചും അനീതിയും അധാര്‍മ്മികവുമെന്ന് വിവിധ സംഘടനകള്‍ സര്‍ക്കാരിനെ അറിയിച്ചു കഴിഞ്ഞു. ഡോക്ടര്‍മാര്‍, ടീച്ചര്‍മാര്‍, സായുധ സേനാംഗങ്ങള്‍, ജയില്‍ ഉദ്യോഗസ്ഥര്‍, നാഷണല്‍ ക്രൈം ഏജന്‍സി ജീവനക്കാര്‍, പൊലീസ് ഉദ്യോഗസ്ഥര്‍, ഡന്റിസ്റ്റ്, സിവില്‍ സര്‍വന്റ്‌സ് തുടങ്ങിയുള്ള എല്ലാ പൊതുമേഖലാ ജീവനക്കാര്‍ക്കും കൊറോണാ കാലത്തെ സേവനത്തിന് അംഗീകാരമായി വേതന വര്‍ധനവ് നല്‍കുമ്പോള്‍ നഴ്സുമാര്‍ക്കും ഇതര പാരാമെഡിക്കല്‍ സ്റ്റാഫുമാര്‍, ഹെല്‍ത്ത് കെയര്‍ അസിസ്റ്റന്‍സ്, ഒഡിപി, ഫിസിയോതെറാപ്പിസ്റ്റ്, ഐറ്റിയു ടെക്‌നിഷന്‍സ് മറ്റ് ക്ലിനിക്കല്‍ ജീവനക്കാര്‍ എന്നിവര്‍ക്ക് ശമ്പള വര്‍ധനവിന് ഒരുവര്‍ഷം കൂടി കാത്തിരിക്കണം. 2000 ന് ശേഷം യുകെയിലേക്ക് കുടിയേറിയവരില്‍ തൊണ്ണൂറ് ശതമാനത്തിലേറെപ്പേര്‍ നഴ്സിങ് മേഖലയിലൂടെയാണ് ഇവിടെത്തിയത്. അതില്‍ത്തന്നെ ഇരുപത്തഞ്ച് ശതമാനത്തോളം വീടുകളിലും രണ്ടുപേര്‍ വീതം നഴ്സിങ് - പാരാമെഡിക്കല്‍ - ക്ലിനിക്കല്‍ ജോലികളില്‍ ഏര്‍പ്പെടുന്നു. സര്‍ക്കാര്‍ അവഗണിച്ചിരിക്കുന്ന ഈ വിഭാഗത്തിന്റെ വേതനമാണ് യുകെ യിലെ സാധട്ടരണ സമൂഹത്തിന്റെ ഏകദേശം എഴുപത് ശതമാനത്തോളം വരുന്ന വരുമാന സ്രോതസ്സ്. അതില്‍ നീതി വേണമെന്ന ആവശ്യമാണ് ഉയര്‍ന്നിട്ടുള്ളത്.