കസ്റ്റംസില്‍ വീണ്ടും മാറ്റം , ഇതും സ്വാഭവികമോ

  വിവാദമായ സ്വര്‍ണകള്ളക്കടത്ത് പിടിച്ച അന്വേഷണ സംഘത്തില്‍ വീണ്ടും മാറ്റം. വിമാനത്താവളം വഴിയുള്ള സ്വര്‍ണക്കടത്ത് കേസ് ആദ്യഘട്ടത്തില്‍ അന്വേഷിച്ച കസ്റ്റംസ് ഉദ്യോഗസ്ഥനെ സ്ഥലം മാറ്റി. കസ്റ്റംസ് ജോയിന്റ് കമ്മീഷണറായ അനീഷ് ബി രാജിനെയാണ് മഹാരാഷ്ട്രയിലെ നാഗ്പൂരിലേക്ക് സ്ഥലം മാറ്റിയത്. ഇയാള്‍ക്ക് ഇടതുമുന്നണിയുമായി അടുത്ത ബന്ധമുണ്ടെന്ന് നേരത്തെ ബിജെപി ആരോപിച്ചിരുന്നു. സ്വര്‍ണക്കടത്ത് കേസ് വിവാദം ആരംഭിച്ച ആദ്യനാളുകളില്‍ മുഖ്യമന്ത്രിയുടെ ഓഫീസില്‍ നിന്നും ആരും വിളിച്ചിട്ടില്ലെന്ന് അന്ന് അന്വേഷണ ഉദ്യോഗസ്ഥനായിരുന്ന അനീഷ് പി രാജ് മാധ്യമങ്ങള്‍ ചോദിച്ചപ്പോള്‍ പറഞ്ഞിരുന്നു. ഇതിനെതിരെ ബിജെപി സംസ്ഥാന അധ്യക്ഷന്‍കെ.സുരേന്ദ്രനും, പ്രതിപക്ഷ നേതാവ് രമേശ് ചെന്നിത്തലയും പിന്നീട് രംഗത്ത് എത്തി. കള്ളക്കടത്ത് കേസ് അന്വേഷിക്കുന്ന കസ്റ്റംസ് സംഘത്തെ ആദ്യം പുനസംഘടിപ്പിച്ചു. ഇതിനു പിന്നാലെയാണ് ഇയാളെ നാഗ് പൂരിലേക്ക് സ്ഥലം മാറ്റി കൊണ്ട് ഉത്തരവിറങ്ങിയത്. അന്വേഷണ ഉദ്യോഗസ്ഥര്‍ക്ക് മാറ്റം ഇത് രണ്ടാം തവണയാണ് കേസ് തുടങ്ങിയ ശേഷം ഉദ്യോഗസ്ഥര്‍ക്ക് സ്ഥലം മാറ്റം. ജൂലൈ 22 ന് അന്വേഷണ സംഘത്തിലെ പത്തുപേരെ സ്ഥലം മാറ്റി ഉത്തരവ് ഇറങ്ങി. എന്നാല്‍ എതിര്‍പ്പിനെ തുടര്‍ന്ന് ഈ ഉത്തരവ് മരവിപ്പിച്ചു. കൊച്ചി കസ്റ്റംസ് കമ്മീഷണര്‍ മുഹമ്മദ് യൂസഫാണ് ഉത്തരവ് ഇറക്കിയത്. അന്ന് സ്വാഭാവിക സ്ഥലം മാറ്റങ്ങള്‍ എന്നാണ് അന്ന് ബിജെ പി പറഞ്ഞത് പുതിയ ഉത്തരവിന്റെ പശ്ചാതലത്തില്‍ എന്താവും പ്രതികരണം എന്ന്ത് പുറത്തുവന്നിട്ടില്ല.