കൊവിഡ് അമേരിക്കയില്‍ രോഗബാധിതരുടെ എണ്ണം 47,64,318
ലോകത്ത് കൊവിഡ് ബാധിതരുടെ എണ്ണം 1,80,13,191 ആയി. ഇതുവരെ കൊവിഡ് ബാധിച്ച് 6,88,718 പേര്‍ക്ക് ജീവന്‍ നഷ്ടമായപ്പോള്‍ 1,13,26,433 പേര്‍ക്ക് രോഗമുക്തിയുണ്ടായി. രോഗവ്യാപനം അതിരൂക്ഷമായ അമേരിക്കയില്‍ ഇന്നലെ മാത്രം അമ്പത്തിയേഴായിരത്തിലധികം പേര്‍ക്ക് കൊവിഡ് സ്ഥിരീകരിച്ചു. ഇതോടെ അമേരിക്കയില്‍ മാത്രം രോഗബാധിതരുടെ എണ്ണം 47,64,318 ആയി. ഏറ്റവും കൂടുതല്‍ മരണം സംഭവിച്ചതും അമേരിക്കയിലാണ്. ഏറ്റവും ഒടുവിലത്തെ കളക്കുകളില്‍ 1,57,898 പേര്‍ക്കാണ് അമേരിക്കയില്‍ ജീവന്‍ നഷ്ടമായത്. രണ്ടാമതുള്ള ബ്രസീലിലാകട്ടെ 27,08,876 പേര്‍ക്കാണ് രോഗബാധയുണ്ടായത്. ഇതില്‍ 93,616 പേര്‍ക്ക് ജീവന്‍ നഷ്ടമായി. രോഗവ്യാപനം ഏറ്റവും കൂടുതലുള്ള മൂന്നാമത്തെ രാജ്യമായ ഇന്ത്യയില്‍ ഇതുവരെയായി 17,51,919 പേര്‍ക്കാണ് രോഗബാധയുണ്ടായത്. മരണനിരക്കില്‍ കുറവുണ്ടെന്നത് മാത്രമാണ് ഇന്ത്യയ്ക്ക് ആശ്വാസം. കൊവിഡ് 19 വൈറസ് ബാധയേതുടര്‍ന്ന് ഏറ്റവും കൂടുതല്‍ മരണം സംഭവിച്ച രാജ്യങ്ങളില്‍ ഇന്ത്യ അഞ്ചാം സ്ഥാനത്താണ്. ഇതുവരെയായി ഇന്ത്യയില്‍ 37,403 പേര്‍ക്ക് ജീവന്‍ നഷ്ടമായി.
ലോകത്ത് ഇപ്പോഴും 59,98,040 സജീവ രോഗികളുണ്ടെന്ന് കണക്കുകള്‍. ഇതില്‍ 65,706 പേര്‍ ഇപ്പോഴും ഗുരുതരാവസ്ഥയിലാണ്. ഏറ്റവും കൂടുതല്‍ ഗുരുതരരോഗികളുള്ളത് അമേരിക്കയിലാണ്. 18,720 പേരാണ് അമേരിക്കയില്‍ ഗുരുതരാവസ്ഥയിലുള്ളത്.
1,57,898 പേര്‍ മരിച്ച അമേരിക്കയില്‍ 23,62,903 പേര്‍ക്ക് രോഗം ഭേദമായി. എങ്കിലും 18,720 പേര്‍ ഇപ്പോഴും ഗുരുതരാവസ്ഥയില്‍ തുടരുകയാണ്. പത്ത് ലക്ഷത്തില്‍ 88.4 എന്ന നിരക്കിലാണ് ലോകത്ത് കൊവിഡ് ബാധിച്ച് ആളുകള്‍ മരിക്കുന്നത്.
അമേരിക്കയില്‍ ഇത് 477 ആണ്. മരണനിരക്കില്‍ മുന്നിലുള്ളത് ബെല്‍ജിയമാണ്. 69,402 രോഗികള്‍ മാത്രമുള്ള ബെല്‍ജിയക്കില്‍ ഇതുവരെയായി 9,845 പേരാണ് മരിച്ചത്. പത്ത് ലക്ഷത്തില്‍ 849 എന്നനിരക്കിലാണ് ബെല്‍ജിയത്തില്‍ മരണം സംഭവിക്കുന്നതെന്ന് കണക്കുകള്‍.
ലോകത്ത് ഏറ്റവും കൂടുതല്‍ ടെസ്റ്റുകള്‍ നടത്തിയ രാജ്യം ചൈനയാണ്. 143,93,23,776 ജനസംഖ്യയുള്ള ചൈനയില്‍ ഇതുവരെയായി 9,04,10,000 ടെസ്റ്റുകള്‍ നടത്തി. പത്ത് ലക്ഷത്തില്‍ 62,814 പേര്‍ക്കെന്ന നിരക്കില്‍ ചൈനയില്‍ ടെസ്റ്റുകള്‍ നടക്കുന്നു.
പത്ത് ലക്ഷത്തില്‍ മൂന്ന് പേരെന്ന നിരക്കില്‍ മാതമാണ് ചൈനയില്‍ മരണം. ചൈനയില്‍ ഇതുവരെയായി 84,385 പേര്‍ക്ക് മാത്രമേ രോഗബാധയുണ്ടായിട്ടൊള്ളൂ. മരണം 4,634 ആണ്. 79,003 പേര്‍ക്ക് രോഗമുക്തിയുണ്ടായി.
748 സജീവരോഗികള്‍ മാത്രമാണ് ഇപ്പോള്‍ ചൈനയില്‍ അവശേഷിക്കുന്നത്. 36 കേസുകള്‍ സജീവമാണ്. പത്ത് ലക്ഷത്തില്‍ 59 എന്ന നിരക്കിലാണ് ചൈനയില്‍ രോഗവ്യാപനമെന്ന് കണക്കുകള്‍ കാണിക്കുന്നു.
രാജ്യത്ത് കോവിഡ് വ്യാപനം അതിതീവ്രമായി തുടരുകയാണ്. സംസ്ഥാനങ്ങൾ പുറത്തു വിട്ട കണക്കുകൾ പ്രകാരം രാജ്യത്തെ കോവിഡ് ബാധിതരുടെ എണ്ണം പതിനേഴരലക്ഷം കടന്നു. പ്രതിദിന കണക്ക് ഇന്നും അര ലക്ഷം കടന്നേക്കും.
1,381,159,795 ജനസംഖ്യയുള്ള ഇന്ത്യയില്‍ പത്ത് ലക്ഷം പേരില്‍ 14,016 പേര്‍ക്കെന്ന തരത്തിലേ പരിശോധനകള്‍ നടക്കുന്നൊള്ളൂ. ഇതുവരെയായി 1,93,58,659 പേരില്‍ പരിശോധന നടത്തി. പത്ത് ലക്ഷം പേരില്‍ 27 എന്ന നിരക്കിലാണ് ഇന്ത്യയിലെ മരണ നിരക്ക്.
ഗുരുതരാവസ്ഥയിലുള്ള രോഗികളില്‍ ഇന്ത്യയാണ് രണ്ടാമത്. 8,944 പേരാണ് ഇന്ത്യയില്‍ കൊവിഡ് രോഗം ബാധിച്ച് ഗുരുതരാവസ്ഥയിലുള്ളത്. മഹാരാഷ്ട്രയിലും ആന്ധ്രയിലും കോവിഡ് കേസുകൾ കുതിച്ചുയരുകയാണ്.
മഹാരാഷ്ട്രയിൽ 24 മണിക്കൂറിനിടെ 9,601 കേസുകളും 322 മരണങ്ങളും റിപ്പോർട്ട് ചെയ്തു. ആന്ധ്രയിൽ 9,276 പേർ ഇന്നലെ മാത്രം രോഗബാധിതരായി. തമിഴ് നാട്ടിൽ 5,879 ഉം കർണാടകയിൽ 5,172 പേർക്കും രോഗം സ്ഥിരീകരിച്ചു. ബംഗാളിൽ 2,589 പേരും ഡൽഹിയിൽ 1,118 പേരും ഇന്നലെ രോഗബാധിതരായി.
