കുവൈറ്റില്‍ രണ്ട് മലയാളികള്‍ മരിച്ചു

കോവിഡ് ബാധിച്ച് ചികിത്സയിലായിരുന്ന രണ്ട് മലയാളികള്‍ മരിച്ചു. എറണാകുളം ഞാറയ്ക്കല്‍ സ്വദേശി റീഷ്‌കോവ് ദേവസ്യകുട്ടി (43), അജിത്കുമാര്‍ പുഷ്‌കരന്‍ (53) എന്നിവരാണ് മരിച്ചത്. മിഷിരിഫ് ഫീല്‍ഡ് ആശുപത്രിയില്‍ ചികിത്സയിലായിരുന്നു ഇരുവരും. കുവൈറ്റ് ഓട്ടോ വണ്‍ കമ്പനിയിലെ ജീവനക്കാരനാണ് റീഷ്‌കോവ്. സൗമ്യ ഭാര്യയും ഗബ്രിയേല്‍ മാത്യൂസ് മകനുമാണ്. അജിത് കുമാര്‍ ട്രാന്‍സ്പോര്‍ട്ടേഷന്‍ സ്ഥാപനത്തില്‍ ഡ്രൈവറായിരുന്നു. മംഗഫിലായിരുന്നു താമസിച്ചിരുന്നത്. ഇരുവരുടെയും മൃതദേഹം കൊവിഡ് പ്രോട്ടോക്കോള്‍ പ്രകാരം സംസ്‌കരിക്കും. ഇതിനിടെ രോഗം നിയന്ത്രണ വിധേയമായി തുടങ്ങിയതിനാല്‍ രാജ്യത്തേക്ക് മടങ്ങിവരുന്ന പ്രവാസികള്‍ക്കായി മൂന്ന് ഘട്ടങ്ങളിലായുള്ള പദ്ധതികള്‍ നടപ്പിലാക്കാന്‍ ശുപാര്‍ശ. ഇതുമായി ബന്ധപ്പെട്ട് നേരത്തെ വിദേശകാര്യമന്ത്രാലയം അഭ്യര്‍ത്ഥിച്ചതിനനുസരിച്ച് ആഭ്യന്തരമന്ത്രാലയമാണ് പുതിയ ശുപാര്‍ശ സമര്‍പ്പിച്ചിരിക്കുന്നത് കുവൈത്തിലെ സേവനമേഖലയില്‍ നിര്‍ണ്ണായകമായ ഡോക്ടര്‍മാര്‍ നഴ്‌സുമാര്‍ ആരോഗ്യപ്രവര്‍ത്തകര്‍ ജഡ്ജിമാര്‍ പ്രോസിക്യൂട്ടര്‍മാര്‍ അധ്യാപകര്‍ എന്നിവരെ ആദ്യഘട്ടത്തില്‍ പരിഗണിക്കണമെന്നാണ് ശുപാര്‍ശയില്‍ പറയുന്നത് ഇതിന്റെ ഭാഗമായി ഇത്തരം വിഭാഗത്തില്‍പ്പെടുന്ന ആളുകളുടെ എണ്ണം ആഭ്യന്തര മന്ത്രാലയം ശേഖരിച്ച് തുടങ്ങിയിട്ടുണ്ട് രണ്ടാംഘട്ടത്തില്‍ പരിഗണിക്കേണ്ടത് കുടുംബ വിസയിലുള്ളവര്‍ അവരുടെ സ്‌പോണ്‍സര്‍മാര്‍ കുവൈത്തില്‍ കുടുങ്ങിക്കിടക്കുന്ന കുടുംബത്തിലെ ഗൃഹനാഥന്‍ തുടങ്ങിയവരെയാണെന്നും ശുപാര്‍ശയില്‍ പറയുന്നു. അവശേഷിക്കുന്ന മുഴുവനാളുകളെയും മൂന്നാംഘട്ടത്തില്‍ പരിഗണിക്കണമെന്നും ആഭ്യന്തര മന്ത്രാലയം വ്യക്തമാക്കുന്നു വിമാനത്താവളങ്ങളിലെ തിരക്ക് നിയന്ത്രിക്കുന്നതിനും ഭാഗമായാണ് ഇത്തരത്തിലുള്ള ഒരു നീക്കം ഉണ്ടായിരിക്കുന്നത് എന്നാല്‍ ആഭ്യന്തര മന്ത്രാലയം സമര്‍പ്പിച്ച നിര്‍ദേശങ്ങള്‍ രാജ്യത്തെ ആരോഗ്യ സ്ഥിതിഗതികള്‍ക്കനുസരിച്ച് ഭേദഗതി വരുത്താമെന്നും ആഭ്യന്തര മന്ത്രാലയം വിദേശകാര്യ മന്ത്രാലയത്തിന് സമര്‍പ്പിച്ച ശുപാര്‍ശ കത്തില്‍ വ്യക്തമാക്കിയിട്ടുണ്ട്