സ്വര്‍ണകടത്തിന് പിന്നില്‍ ബംഗളരു രാഷ്ട്രീയ വമ്പന്‍മാര്‍

 

തിരുവനന്തപുരം സ്വര്‍ണകടത്ത് കേസില്‍ പിടിയിലായ സംഘത്തിന് പിന്നില്‍ ബംഗളരു സംഘമെന്ന് സൂചന. മഗലാപുരം, ബംഗളരു എയര്‍ പോര്‍ട്ടുകള്‍ കേന്ദ്രീകരിച്ച് കള്ളക്കടത്ത് നിയന്ത്രിക്കുന്ന വന്‍ സംഘങ്ങളുമായി സന്ദീപിന്‌രഅന്ധുണ്ടെന്നാണ് അന്വേഷണ സംഘത്തിന് സൂചന ലഭിക്കുന്നത്. ആഫ്രിക്കന്‍ സംഘങ്ങള്‍ നിയന്ത്രിക്കുന്ന ദുബായ് മലയാളി ലോബിയുടെ പ്രാധാനികള്‍ മലപ്പുറത്തു നിന്നാണന്ന് സൂചനകള്‍ പുറത്തുവന്നിട്ടുണ്ട്. യു ഡി എഫിലെ ചില ഉന്നതരുമായി അടുത്ത ബന്ധുതയും ഇവര്‍ക്കുണ്ട്. സംഘവും 2018 മുതല്‍ ബെംഗളൂരു, ഹൈദരാബാദ് എന്നിവിടങ്ങളിലെ വിമാനത്താവളങ്ങള്‍ വഴിയും നയതന്ത്ര ബാഗേജ് വഴി പാഴ്‌സലുകള്‍ എത്തിച്ചുവെന്ന് അന്വേഷണ സംഘം കണ്ടെത്തി. ബെംഗളൂരുവിലും ഹൈദരാബാദിലും ഇറക്കിയ ചില പാഴ്‌സലുകള്‍ റോഡ് മാര്‍ഗം കേരളത്തിലെത്തിച്ചുവെന്നും ഇതില്‍ സ്വര്‍ണം ഉണ്ടായിരുന്നുവെന്നും സൂചന ലഭിച്ചതോടെ സ്വര്‍ണക്കടത്ത് സംഘത്തിന്റെ ഇതര സംസ്ഥാന ബന്ധങ്ങളിലേക്കും അന്വേഷണം വ്യാപിപ്പിച്ചു. തെന്നിന്ത്യ മുഴുവന്‍ കണ്ണികളുള്ള സ്വര്‍ണക്കടത്തു ശ്യംഖലയുടെ ഭാഗമാണ് കേരളത്തിലെ സംഘം എന്നാണ് അന്വേഷകര്‍ക്കു ലഭിക്കുന്ന വിവരം. തിരുവനന്തപുരത്തുള്ള യുഎഇ കോണ്‍സുലേറ്റിന്റെ പരിധിയില്‍ ഹൈദരാബാദും ബെംഗളൂരും ഉള്‍പ്പെടും. കോണ്‍സുലേറ്റ് നിര്‍മാണത്തിന്റെ പേരിലായിരുന്നു ഹൈദരാബാദില്‍ ആദ്യം പാഴ്‌സലുകളെത്തിച്ചതെങ്കില്‍ പിന്നീട് അതിന്റെ മറവില്‍ വേറെയും പാഴ്‌സലുകളെത്തിച്ച് അവര്‍ക്ക് വേണ്ട സ്ഥലങ്ങളിലേക്ക് കൊണ്ടുവന്നു. ബെംഗളൂരുവില്‍ 2018 ന് മുന്‍പേ ഇവര്‍ രാഷ്ട്രീയ സ്വാധീനവും ഉറപ്പിച്ചിരുന്നുവെന്നാണു കണ്ടെത്തല്‍. ബെംഗളൂരുവില്‍ നിന്നു റോഡ് മാര്‍ഗം എത്തിച്ച പാഴ്‌സല്‍ തിരുവനന്തപുരത്തും മലപ്പുറത്തും ചില കേന്ദ്രങ്ങളിലേക്കു കൊണ്ടുവന്നു. കോഴിക്കോട്ടു നിന്ന് അറസ്റ്റിലായ ചില പ്രതികളുടെ വീട്ടിലെ സിസിടിവി ദൃശ്യങ്ങള്‍ സ്വര്‍ണക്കടത്തു നടന്ന ചില ദിവസങ്ങളിലേതു മാത്രം നശിപ്പിച്ചിരുന്നു. ഇതും എന്‍ഐഎ സംഘം പരിശോധിച്ചു. നശിപ്പിച്ച ഈ ദൃശ്യങ്ങള്‍ തിരിച്ചെടുത്തതില്‍ നിന്നു നിര്‍ണായക വിവരങ്ങളും ലഭിച്ചിട്ടുണ്ട്. തിരുവനന്തപുരം നഗരത്തില്‍ ചില സംഘങ്ങളില്‍ നിന്നു ഇവര്‍ ഡോളര്‍ വാങ്ങിയിരുന്നു. ഇവരെ ആദ്യം ചോദ്യം ചെയ്തു വിട്ടയച്ചുവെങ്കിലും വീണ്ടും ചോദ്യം ചെയ്യാനൊരുങ്ങുകയാണു എന്‍ഐഎ