വീടുകളില്‍ നിന്ന് പ്രതിഷേധം ഉയരും പുതിയ സമരമാതൃകയുമായി സി പി എം

കോവിഡ് കാലത്തും കേന്ദ്ര സര്‍ക്കാര്‍ തുടരുന്ന ജനദ്രോഹ നയങ്ങള്‍ക്കെതിരെ സിപിഐ എം നേതൃത്വത്തില്‍ ഞായറാഴ്ച സംഘടിപ്പിക്കുന്ന സത്യഗ്രഹം സമരചരിത്രത്തിലെ പുതിയ ഏടാകും. കാല്‍ കോടിയിലധികം ജനങ്ങള്‍ പങ്കെടുക്കുന്ന സമരത്തിന്റെ ഭാഗമായി സംസ്ഥാനത്തെ വീടുകള്‍ സമരകേന്ദ്രങ്ങളാകും. വൈകിട്ട് നാലുമുതല്‍ 4.30 വരെ കോവിഡ് മാനദണ്ഡങ്ങള്‍ പാലിച്ചാണ് ജനങ്ങള്‍ സത്യഗ്രഹമിരിക്കുക. പാര്‍ടി അംഗങ്ങളും അനുഭാവികളും നേതാക്കളും വര്‍ഗ ബഹുജന സംഘടനാ പ്രവര്‍ത്തകരും സമരത്തിന്റെ ഭാഗമാകും. ജനങ്ങള്‍ ജീവനുവേണ്ടി പിടയുന്ന സന്ദര്‍ഭത്തില്‍ അവരെ കൈയൊഴിഞ്ഞ് വര്‍ഗീയവിദ്വേഷം ആളിക്കത്തിക്കുകയും കോര്‍പറേറ്റ് കൊള്ളയ്ക്ക് കൂട്ടുനില്‍ക്കുകയും ചെയ്യുന്ന കേന്ദ്രസര്‍ക്കാര്‍ നയങ്ങള്‍ക്കെതിരെയുള്ള കേരളത്തിന്റെ പ്രതിഷേധമായി മാറുകയാണ് സമരം. ഒരോജില്ലയിലും ഇതിനുവേണ്ടിയുള്ള പ്രചരണങ്ങള്‍ സജീവമായി നടക്കുകയാണ്. സോഷ്യ മീഡിയ കാമ്പയനുകളാണ് സി പി എം സംഘടിപ്പിച്ചിരിക്കുന്നത് . കോട്ടയത്ത് സോഷ്യല്‍ മീഡിയയിലൂടെ നതിനുവേണ്ടി പഞ്ചായത്ത് തലത്തില്‍ വരെ കാംപയനുകള്‍ ആരംഭിച്ചു കഴിഞ്ഞു. ബ്രാഞ്ചുതലം വരെയുള്ള കമ്മിറ്റികള്‍ പ്രതിദിനം കോവിഡ് ആയിരങ്ങളുടെ ജീവനപഹരിക്കുന്ന സന്ദര്‍ഭത്തിലും ആരോഗ്യമേഖലയില്‍പ്പോലും ലക്ഷക്കണക്കിന് തസ്തികകള്‍ ഒഴിഞ്ഞുകിടക്കുന്നു. രാജ്യത്ത് ആരോഗ്യമേഖലയില്‍ 30 ശതമാനം ഒഴിവുകളാണ് നികത്താനുള്ളത്. നിയമന നിരോധനത്തിലൂടെ ലക്ഷക്കണക്കിന് യുവജനങ്ങളുടെ പ്രതീക്ഷകള്‍ക്കുമേലാണ് കേന്ദ്രം കരിനിഴല്‍ വീഴ്ത്തിയത്. റവന്യൂവില്‍ 30 ശതമാനവും റെയില്‍വേയില്‍ 3.5 ലക്ഷം തസ്തികകളുമാണ് ഒഴിഞ്ഞുകിടക്കുന്നത്. കോവിഡിനെ തുടര്‍ന്ന് രാജ്യത്ത് 15 കോടി പേര്‍ രാജ്യത്ത് തൊഴില്‍രഹിതരായി. പൊതുമേഖലാ സ്ഥാപനങ്ങളിലടക്കം ജീവനക്കാരുടെ ആനുകൂല്യങ്ങള്‍ കവരാനും തൊഴില്‍ നിയമങ്ങള്‍ അട്ടിമറിക്കാനും കോവിഡിനെ സര്‍ക്കാര്‍ മറയാക്കി. കേന്ദ്ര പൊതുമേഖലാ സ്ഥാപനങ്ങള്‍ ഒന്നൊന്നായി വിറ്റഴിക്കുന്നു. സംസ്ഥാനത്ത് നല്ല നിലയില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളടക്കം വില്‍പ്പന ഭീഷണിയിലാണ്. ഇതിനെതിരെയാണ് കേരളത്തിന്റെ പ്രതിഷേധം ഉയരുന്നത്.