ലുലു ഓണം വീട്ടിലെത്തും

ദോഹയില്‍ ലുലു ഹൈപ്പർമാർക്കറ്റുകളിൽ ചെന്നാൽ നല്ല അടിപൊളി 'ഓണം പച്ചക്കറി-പഴംകിറ്റ് ' വാങ്ങാം. ചേന, വെള്ളരിക്ക, പടവലങ്ങ, മുരിങ്ങക്ക, കാരറ്റ്, പീച്ചിങ്ങ, ഉരുളക്കിഴങ്ങ്, കുമ്പളങ്ങ, തേങ്ങ, വഴുതനങ്ങ, ഉള്ളി, കാബേജ് തുടങ്ങി സാമ്പാർ, അവിയൽ, തോരൻ, ഉൾപ്പെടെയുള്ള വിഭവങ്ങൾക്കുള്ള പച്ചക്കറികളാണ് കിറ്റിലുള്ളത്. ഒപ്പം പൈനാപ്പിൾ പച്ചടിക്കുള്ള ഫ്രഷ് പൈനാപ്പിളും ലഭിക്കും. കിറ്റിനൊപ്പം സദ്യ കഴിക്കാനുള്ള വാഴയിലയുമുണ്ട്. കൂടാതെ ഒരു സാമ്പാർ മസാല സൗജന്യവുമാണ്. 49 റിയാൽ 75 ദിർഹമാണ് കിറ്റിന്റെ വില. മുൻകൂട്ടി ഓർഡർ ചെയ്യാം. ലുലുവിന്റെ തിരഞ്ഞെടുക്കപ്പെട്ട സൂപ്പർമാർക്കറ്റുകളിൽ കിറ്റ് ലഭിക്കും. കിറ്റ് ഓഫർ ഉത്രാട ദിനമായ ഞായർ വരെയാണ്. നേരിട്ട് പോയി വാങ്ങാൻ സമയമില്ലാത്തവർക്കു ലുലുവിന്റെ ഓൺലൈൻ സ്‌റ്റോർ വഴി ഓർഡർ ചെയ്താൽ കിറ്റ് വീട്ടിലെത്തും.